०३ साउन २०८३, आइतबार
विराटनगर– मोरङएको रंगेलीमा धार्मिक तथा एेतिहासिक संसारी माइ मन्दीरमा हरेक बर्ष दशैको बेला केही न केही नयाँ कुरा भइरहेका हुन्छन् । ऐतिहासिक तथा पुरातात्वीक महत्वकाे धार्मिक स्थल रंगेलीको प्रसिद्ध मन्दिर संसारीमाई मन्दिरमा बुधबारघटस्थापना भई रहँदा एक महिला पनि छातीमा जमारा उमार्न बसेकी छन् ।
गत वर्ष नवरात्रदेखि दशमीसम्म भारत घर भएकी एक महिलाले आफ्नो छातिमा जमरा यसै स्थानमा उमारेकी थिइन् । यस वर्ष मोरङको जहदा गाउँपालिका वडा नम्बर ४ घर भएका मुलुकचन्द मण्डलकी श्रीमती ४० वर्षीया निरादेबी मण्डल संसारी मन्दिर परिसरमा छातिमा जमरा र कलश सहित निराहार बसेकी छन् । उनले आफ्नो भाकल पुरा गर्नको लागि यसरी छातीमा जमरा राखेको उनका बुबा उदय मण्डलले बताए ।
अहिलेसम्म उनको कुनै सन्तान नभएपछि सन्तान प्राप्तीको लागि पनि यरी माता दुर्गाको चरणमा सरण पर्दै छातीमा जमारा उमार्नको लागि निराहार बसेको उनका आफन्त बताउँछन् ।
यो स्थानमा हरेक बर्ष घटस्थापना देखि टिकाको दिनसम्म ११ ब्राह्मणहरुद्वारा सप्तशती चण्डी पाठ गर्नुका साथै विशेष पुजा अर्चना गरिन्छ । रातीको समयमा समेत बिभिन्न भजन कृतन हुने गरेको स्थानीय बताउँछन् ।
विराटनगर देखि २२ किलोमिटर पुर्वमा रहेको रंगेली नगरपालिका वडा नम्बर ६ चिसाङ खोलाको बगरमा सो मन्दीर अवस्थित छ । राणाकाल भन्दा पहिलादेखि यसरी हरेक नवरात्रीमा देबीको पुजा गर्ने परम्परा रहेको पाकापुस्ताको अनुभव छ ।
