प्रधानमन्त्री केपी शर्मा ओलीको पेटमा समस्या भएपछि उपचारका लागि त्रिभुवन विश्वविद्यालय शिक्षण अस्पतालको मनमोहन कार्डियो भास्कुलर सेन्टरमा लगिएको छ ।

सोमवार राति प्रधानमन्त्री ओलीको पेट देख्ने समस्याका कारण अस्पताल लगिएको हो । सेन्टरमा ओलीको स्वास्थ्य जाँच भइरहेको छ ।

प्रधानमन्त्री ओलीलाई नियमित स्वास्थ्य जाँचका लागि अस्पताल लगिएको प्रधानमन्त्री ओलीका प्रेस सल्लाहकार सूर्य थापाले बताए । ‘स्वास्थ्य जाँचपछि उहाँको स्वास्थ्यबारे थप विवरण आउने छ,’ थापाले भने, ‘अहिले सामान्य अवस्था छ, चेकजाँच भइरहेको छ ।’ प्रधानमन्त्री ओलीको एक्सरे लगायत स्वास्थ्य परीक्षण गरिएको जनाइएको छ ।

प्रधानमन्त्री ओलीले आइतवार ग्राण्डी अस्पतालमा मृर्गाैलाको डायलासिस गरेका थिए । ओलीले १२ वर्षअघि प्रत्यारोपण गरेको मृर्गाैला पटक–पटक समस्या देखिँदै आएको छ ।