चर्चित गीत बजारमा सार्वजनिक गरिसकेका सर्जक तथा गायक बसन्त थापाको लोकदोहोरी गीत ‘सयको गुन तिरौंला हजारैले’ बजारमा सार्वजनिक भएको छ ।

केही दिन अगाडि मात्र गीतको टिजर सार्वजनिक गरेका थापाले शुक्रवार गीतको फुल भिडियो सार्वजनिक गरेका हुन् । गीतमा बसन्त थापा र विष्णु माझीको आवाज रहेको छ ।

प्रह्लाद सुवेदीको शब्द टपक्क टिपेर गीतको लय बसन्त थापाले नै गरेका हुन् भने गीतको संगीत संयोजन आशिष अविरलले गरेका हुन् ।

पछिल्लो समयमा व्यापक चर्चा कमाउन सफल मोडल सुनिल क्षेत्री र मरिस्का पोखरेलको दमदार अभिनय देख्न सकिन्छ । भिडियोको निर्देशन सुनिल क्षेत्रीले नै गरेका हुन् भने भिडियोको कोरियोग्राफर दिपक एम सिंहले गरेका छन् ।

भिडियोको कथा बसन्त थापाले नै गरेका हुन् भने भिडियोको छायांकन नवराज उप्रेतीले गरेका छन् । अभ्यास डिजिटलमार्फत सार्वजनिक गरिएको भिडियोको पोस्ट प्रोडक्सन जनता डिजिटल एण्ड फिल्म्स्ले गरेको हो ।

भिडियोको छायांकन कालिञ्चोक आसपासमा गरिएको हो भने भिडियो सम्पादनमा अमृत चापागाईं रहेका छन् ।

पछिल्लो समयमा बसन्त थापाको ‘उही खोलीमा पानी’, ‘सालको पात’, ‘लोभी आँखा’, ‘बोकेझार’ जस्ता निकै चर्चित गीतहरू सबैको मन मुटुमा बस्न सफल भएका छन् ।