भारतमा तेस्रो चरणको निर्वाचन आज, मोदीले गरे मतदान

भारतमा जारी लोकसभा निर्वाचनअन्तर्गत आज तेस्रो चरणको मतदान हुँदै छ । मतदाताले संसद्को तल्लो सदनको ९३ सिटका लागि प्रतिस्पर्धा गर्ने एक हजार तीन सय ५१ उम्मेदवारको भाग्यको फैसला गर्नेछन्। 

निर्वाचन क्षेत्रहरू ११ राज्य र संघीय शासित क्षेत्रहरूमा फैलिएका छन्। मोदीको गृहराज्य गुजरातमा २५ सिटमा मतदान हुँदै छ ।

मंगलबारको निर्वाचनमा केही विशिष्ट व्यक्ति प्रतिस्पर्धा गरिरहेका छन्। प्रधानमन्त्री नरेन्द्र मोदीका दाहिने हात मानिने गृहमन्त्री अमित शाह गुजरात राज्यको गान्धीनगर सहरबाट पुनः चुनाव लडिरहेका छन्। 

प्रधानमन्त्री नरेन्द्र मोदी र गृहमन्त्री अमित शाहले तेस्रो चरणमा गान्धीनगर लोकसभा सीटमा मतदान गरेका छन् । मतदानपछि प्रधानमन्त्री मोदीले गर्मीमा आफ्नो स्वास्थ्यको ख्याल गर्न र प्रशस्त पानी पिउन आग्रह गरे । 

बिहारको सुपौलमा मतदानका क्रममा प्रिसाइडिङ अफिसर र एक सिपाहीको मृत्यु भएको छ ।