जेठ २५, २०७५
काठमाडौं, २५ जेठ – रुसको कानूनले समलैंगिकतालाई प्रवर्द्धन गर्न प्रतिबन्ध लगाएका कारण विश्वकप हेर्नलाई केही समलिंगीहरू त्यहाँ नजाने भएका छन् । अघिल्लो विश्वकपमा अमेरिकी प्रशंसकहरूका लागि यात्राको प्...
जेठ ८, २०७५
काठमाडौं, ८ जेठ - लियोनल मेसी, सर्जियो एग्युरो, गोञ्जालो हिगुइन र पाउलो ड्यबला, विश्व फूटबलका चर्चित यी ४ स्ट्राइकर अर्जेन्टिनाका लागि विश्वकप खेल्ने प्रारम्भिक टोलीमा छन् । अझै इटालियन सिरीएका जोइन्ट टप स्कोरर माउरो इकार्दी टीममै परेनन् ।
फ्रन्टलाइन हेर्ने हो भने यस्तो लाग्छ- साबिकको उपविजेता अर्जेन्टिना नै रुस विश्वकपको सबैभन्दा अब्बल टीम हो । तर वास्तविकता त्यस्तो छैन । एउटा टीम अब्बल ठहरिन अग्रपंक्तिसँगै मध्य र रक्षापंक्तिको पनि उत्तिकै भूमिका हुन्छ, यी दुई विभागमा अर्जेन्टिना तुलनात्मक रूपमा कमजोर छ ।
फूटबल पण्डितहरूले भनेका छन्, यसपटक अर्जेन्टिनाको टीम मेसीकै भरमा छ । उनकै प्रदर्शनले धेरै हदसम्म अर्जेन्टिनाको भविष्य निर्क्यौल गर्नेछ । हालसम्म देशका लागि ठूलो उपाधि नजितेको भनेर आलोचना बेहोर्दै आएका मेसीका लागि पनि विश्वकप जित्ने यो अन्तिम मौका हुनसक्छ ।
मेसीका सहयात्रीहरू म्यान्चेस्टर सिटीका सर्वाधिक गोलकर्ता एग्युरो र युभेन्टसका हिगुइन तथा ड्यबला क्लबका लागि जति सफल छन्, देशका लागि उनीहरूको त्यो अनुसारको प्रदर्शन देखिएको छैन ।
अझै ठूलो समस्या त के भने हिगुइन र ड्यबलाको खेल्ने शैली मेसी र एग्युरोभन्दा बिलकुल फरक छ । त्यसैले पनि यी ४ खेलाडीबीच तालमेलकै समस्या हुनसक्छ ।
कोपा अमेरिकाको फाइनलमा पराजित भएपछि मेसीले विश्व फूटबलबाट संन्यासको घोषणा गरे । त्यसपछि अर्जेन्टिनाले विश्वकप छनोटका केही खेल मेसीविना खेल्यो । नतिजा यति खराब रह्यो कि मेसी फर्किएर पनि देशलाई विश्वकपमा पुर्याउन निकै कठीन मेहेनत गर्नुपर्यो ।
विश्वकप छनोटको अन्तिम खेलअघि पनि अर्जेन्टिनाले विश्वकप खेल्ने नखेल्ने निश्चित थिएन । तर सो खेलमा मेसीले ह्याट्रिक प्रहार गर्दै टीमका लागि रुसको टिकट पक्का गरे ।
पोस्टमा ठूलो चुनौती
यसपटक अर्जेन्टिनाका लागि सबैभन्दा ठूलो चुनौती गोलपोस्टमा छ । अर्जेन्टिनाको पोस्ट नियमित सम्हाल्दै आएका सर्जियो रोमेरोले करीब २ सिजन म्यान्चेस्टर युनाइटेडको बेञ्चमै गुजारे ।
युरोपेली फूटबलको गत ट्रान्सफर विन्डोअघि अर्जेन्टाइन प्रशिक्षक जर्ज साम्पाओलीले नियमित बेञ्चमा रहने हो भने विश्वकपमा स्थान बनाउन कठिन हुने चेतावनी रोमेरोलाई दिएका थिए । तर उनले युनाइटेडबाट बाहिरिन खासै पहल गरेनन् ।
प्रशिक्षकले चेतावनी त दिए, तर अर्जेन्टिनासँग रोमेरोको उचित विकल्प थिएन । आगामी विश्वकपमा सम्भवत: रोमेरोले नै अर्जेन्टाइन पोस्ट सम्हाल्दैछन् ।
विकल्पको रूपमा रहेका विली क्याबाएरो पनि केही वर्षयता नियमित बेञ्चमा छन् । उनी गत सिजन चेल्सी र त्यसअघि म्यान्चेस्टर सिटीको बेञ्चमा थिए । तेस्रो विकल्पका रूपमा घरेलु टीम रिभर प्लेटका फ्रान्सो अर्मानी टीममा परेका छन् । घरेलु लिगमा राम्रै प्रदर्शन गरे पनि विश्वकपमा प्रशिक्षकले उनीमाथि भरोसा गरिहाल्ने सम्भावना कम छ ।
औसत रक्षा र मध्यपंक्ति
अर्जेन्टिनाको मध्यपंक्ति निकै औसत छ । मध्यपंक्तिमा अलि बढी आशा गरिएका खेलाडी एञ्जल डी मारिया हुन् । तर उनको प्रदर्शनमा निरन्तरता छैन । कहिले औधी राम्रो खेल्छन्, कहिले निकै खराब ।
ह्याभियर मस्केरानो अर्का चर्चित नाम हुन् । बार्सिलोना छाडेर हाल चाइनिज लिग खेलिरहेका मस्केरानो उमेरका कारण पनि पहिलेजति सशक्त छैनन् ।
यस्तै सेभियाका एभर बनेगा, एसी मिलानका लुकास बिग्लिया, वेस्टह्यामका म्यानुअल लाञ्जिनी सुनिएका नाम हुन् । तर उनीहरूको प्रदर्शन औसतभन्दा माथि रहन सकेको छैन ।
मध्यपंक्ति हेर्दा अर्जेन्टिना विश्वकप जित्न सक्षम हुन्छ भन्न निकै कठिन छ ।
रक्षापंक्तिमा पनि टीम अब्बल छैन । इंग्लिस च्याम्पियन म्यान्चेस्टर सिटीका निकोलस ओटामेन्दीको प्रदर्शन गत सिजन निकै उत्कृष्ट रह्यो । ओटामेन्दीको पनि प्रदर्शनमा निरन्तरता छैन ।
बाँकी खेलाडी त औसत नै छन् । ओटामेन्दीका अलावा सेभियाका गाब्रियल मर्काडो, रोमाका फेड्रिको फाजियो, म्यान्चेस्टर युनाइटेडका मार्कोस रोजो अर्जेन्टिनाको रक्षापंक्तिमा रहेका चर्चित नाम हुन् ।
मेसीको टीम
गत समर विन्डोमा नेयमार कीर्तिमानी मूल्यमा पेरिस सेन्ट जर्मेन गएपछि बार्सिलोना निकै समस्यामा पर्नसक्ने विश्लेषण गरिएको थियो । बार्सिलोनाले उनको ठाउँमा तत्कालीन लिभरपूल (हाल बार्सिलोना)का फिलिपे कउटिन्होलाई भित्र्याउन निकै पहल गर्यो, तर तत्काल सम्भव भएन ।
विकल्पका रूपमा उस्मान डेम्बेलेलाई भित्र्यायो । उनी पनि घाइते भएर लामो समय मैदान बाहिर रहे । त्यसपछि प्रशिक्षक भालभर्डेले टीमलाई मेसीमै केन्द्रित गरे । परम्परागत ४-३-३ को फर्मेसन छाडेर बार्सिलोनाले ४-४-२ को फर्मेसनमा खेल्न थाल्यो ।
मेसी प्रशिक्षकको विश्वासमा यति खरो उत्रिए कि बार्सिलोनाले ला लागिमा मेसीले खेलेका कुनै खेल हारेन र च्याम्पियन पनि बन्यो । एक खेल पनि नहारी लिग जित्ने अवसर बार्सिलोनासँग थियो, तर मेसीलाई आराम दिइएको एक खेलमा नतिजा प्रतिकूल रह्यो ।
अर्जेन्टाइन प्रशिक्षक साम्पाओलीले पनि यसपटक अर्जेन्टाइन टीमलाई मेसीमै केन्द्रित गर्ने तयारी गरेका छन् । टीममा मेसी मात्र यस्ता खेलाडी हुन्, जसले एक्लै पनि टीमको सफलतामा निकै ठूलो भूमिका निभाउन सक्छन् । मेसीलाई छाड्ने हो भने टीम निकै औसत छ, तर मेसीसहितको अर्जेन्टिना उपाधिका प्रमुख ५ दाबेदारमध्ये एक हो ।
अन्डरडगहरूको समूहमा अर्जेन्टिना
रुस विश्वकपमा अर्जेन्टिना 'समूह डी'मा छ । यस समूहमा अर्जेन्टिनाका अलावा क्रोएसिया, आइसल्याण्ड र नाइजेरिया छन् । अर्जेन्टिनाको समूहमा रहेका यी तीन यस्ता टीम हुन्, जसले कुनै पनि खेलमा जुनसुकै टीमलाई हराउन सक्ने गरी 'अन्डरडग'को छवि बनाएका छन् । गएको युरोकपमा आइसल्याण्डले त्यस्तै छवि देखाएको थियो । नाइजेरियाले त अर्जेन्टिनालाई नै हराएको छ । क्रोएसियामा लुका मड्रिक, इभान र्याकिटिकजस्ता प्रतिभावान खेलाडी छन् ।
अर्जेन्टिनाले विश्वकपमा आफ्नो पहिलो खेल आगामी असार २ गते आइसल्याण्ड, ७ गते क्रोएसिया र १२ गते नाइजेरियासँग खेल्दैछ ।
यस्तो छ, २३ सदस्यीय अर्जेन्टाइन टोली :
Graphic source : Bleacher Report Football
काठमाडौं, २५ जेठ – रुसको कानूनले समलैंगिकतालाई प्रवर्द्धन गर्न प्रतिबन्ध लगाएका कारण विश्वकप हेर्नलाई केही समलिंगीहरू त्यहाँ नजाने भएका छन् । अघिल्लो विश्वकपमा अमेरिकी प्रशंसकहरूका लागि यात्राको प्...
काठमाडौं, २ असार– विफा विश्वकपको समूह बी अन्तरगत अहिले स्पेन र पोर्चुगल बीचको खेलमा जारी छ । १–१ गोलमा चलिरहेको खेलमा स्पेनको लागि डिएगो कोष्टाले २४ औं मिनेटमा गोल गरे ।&nbs...
काठमाडौं, ४ असार - फिफा विश्वकप फूटबल प्रतियोगिता रुसमा जारी छ । समूहमा पहिलो चरणको खेल जारी रहँदा उपाधिको दाबेदार मानिएका अधिकांश टीमले जीत दर्ता गर्न सकेका छैनन् । उपाधिका शीर्ष ४ दाबेदार ब्राजिल, जर्...
युरोपेली अन्तरिक्ष एजेन्सी (इएसए) ले बिहीबार गुरुत्वाकर्षण तरङ्ग अर्थात अन्तरिक्ष समयमा तरङ्ग पत्ता लगाउने र पृथ्वीको सबैभन्दा नजिकको छिमेकी ग्रह शुक्रको रहस्य पत्ता लगाउनेसहित दुई वटा मिसन अघि बढाउन अनुमति दिएको छ...
काठमाडौं, ८ असार – विश्वकपमा आजको प्रतिस्पर्धामा डेनमार्कले अस्ट्रेलियाविरुद्ध सातै मिनेटमा गोल गरेको छ । निकोलाई योर्गेनसनको पासमा क्रिस्चियन एरिकसेनले खेलको सात मिनेटमा सुन्दर गोल गरेर डेनमार्कलाई अग्...
विश्वकप शुरु हुनुभन्दा पहिला अर्जेन्टिनाका स्टार लियोनल मेस्सीले न्यूयोर्कको एक पत्रिकाका लागि फोटोशूट गरेका थिए । पेपर पत्रिकाका लागि गरिएको यो फोटोशूटमा मेस्सी एक बाख्रासँग देखिएका थिए । साथै उक्त म्य...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...