सरकारी स्वामित्वमा रहेको साल्ट ट्रेडिङ कर्पाेरेसन लिमिटेडले भ्यानमार्फत खाद्यान्नको बिक्री थालेको छ। 

कर्पोरेशनले मोबाइल भ्यानमार्फत नुन, चिनी, मैदा, दाल तथा गेडागुडी बिक्री सुरु गरेको हो।
काठमाडौँ, ललितपुर र भक्तपुरका विभिन्न वडामा गएर बिक्री गरिएको साल्ट ट्रेडिङका सूचना अधिकृत कुमारराज भण्डारीले जानकारी दिए। 

सामाखुसी, टोखा, ग्वङ्गबँु, गौरीगाउँ र  जाल्पाचोक क्षेत्रमा एक लाख पाँच हजारको खाद्यान्न बिक्री गरिएको छ। त्यस्तै बालाजु, नयाँबजार, खुसीबुँ र चक्रपथ क्षेत्रमा ८६ हजार र कुपण्डोल, हनुमानस्थान, सानेपा, पाटनलगायत क्षेत्रमा ८० हजार बराबरको खाद्यान्न बिक्री गरिएको छ।

त्यस्तै कालीमाटी काउण्टरबाट बुधबार मात्र ९५ हजार ६ सयभन्दा बढी खाद्यान्न बिक्री गरिएको उनले जानकारी दिए। तीन मोबाइल भ्यान र कार्यालयबाट गरी  तीन लाख ६६ हजार सात सयभन्दा बढीको कारोवार भएको छ।