कञ्चनपुरबाट काठमाडौं उपत्यका पुगेकी ३३ वर्षीया महिलामा कोरोना संक्रमण पुष्टि भएपछि कैलालीको अत्तरिया क्षेत्र सील गरिएको छ।

कञ्नपुरबाट अत्तरिया हुँदै काठमाडौँ गएपछि उनी बसेको अत्तरियाको विजयनगर टोललाई सील गरिएको हो। गोदावरी नगरपालिकाका प्रवक्ता शर्मानन्द भट्टका अनुसार उनी वैशाख २८ गते कञ्चनपुरको वेदकोट नगरपालिका १० बाट काठमाडौँ जाँदा अत्तरियामा बसेको थिइन्। गोदावरी नगरपालिका १ अत्तरियास्थित सशस्त्र बाहिनी अगाडिको घरमा करिब २ घण्टा बसेको उनको ट्राभल हिस्ट्री (यात्रा विवरण) बाट खुलेको हो।

प्रवक्ता भट्टका अनुसार ती महिलाले मेडिकल टीम धनगढी पुगाउन आएको सशस्त्र प्रहरीकै भ्यानमा काठमाडौँ फर्कने योजना बनाएकी थिइन्। सोही बमोजिम उनी अत्तरियामा रहेको सशस्त्र बाहिनी अगाडि आएकी थिएन्।

सशस्त्र प्रहरीबाट अवकास पाइसकेकी ती महिला यसअघि अत्तरियामै रहेको सशस्त्र प्रहरी बल नेपाल नम्बर ७ बैद्यनाथ बाहिनीमा समेत काम गरेकी थिइन्। उनी बाहिनीमा काम गर्दा स्थानीयसँग भएको परिचयका कारण उनी काठमाडौँ जानु अघि भेटघाट गर्ने भनेर बाहिनी अगाडि रहेको घरमा पसेकी थिइन्। स्थानीयका अनुसार उनी त्यहाँ २ घण्टा बस्दा चाउचाउ र नजिकैको डेरीबाट लस्सी समेत खाएकी खुलेको हो।

कञ्चनपुरबाट काठमाडौं गएकी ती महिलामा मंगलबार कोरोना पोजेटिभ देखिएको थियो। काठमाडौँ बस्दै आएकी उनी चैत ६ गते काठमाडौंबाट कञ्चनपुर पुगेकी थिइन्। त्यसपछि वैशाख २८ गते एक छोरा र एक छोरीसँगै सशस्त्र प्रहरीकै भ्यानमा काठमा डौँ फर्किएको भए पनि अरुमा भने कोरोना संक्रमण देखिएको छैन।

उनीसहित छोराछोरी गरी ३ जना र भ्यानमा रहेका अन्य २ जना गरी सोहि साँझ कोहलपुर बसेका उनीहरु वैशाख २९ गते काठमाडौं गएका थिए।

त्यस्तै, संक्रमित महिला बसेको घर लगायत उनको घरवरिपरिका ७० जनाको स्वाब संकलन गरी कोरोना परीक्षण गरिने भएको छ। गोदावरी नगरपालिकाको स्वास्थ्य शाखा प्रमुख वीर बहादुर कुँवरले सबै घरहरुलाई सील गरेर बिहीबारसम्ममा स्वाब संकलन गरिने बताए।