नेपाल उद्योग वाणिज्य महासंघका वरिष्ठ उपाध्यक्ष शेखर गोल्छाले महामारीले थलिएको अर्थतन्त्रको पुनरुत्थानका लागि महासंघले भिजनपत्र बनाइरहेकाे बताएका छन् । 

महासंघको ५४ औं वार्षिक साधारण सभालाई सम्बोधन गर्दै उनले आफूहरूले रणनीतिक रुपमा आर्थिक क्षेत्रको उन्नतीका लागि भिजनपत्र बनाइरहेको भन्दै यसको कार्यान्वयनका लागि सरकार र निजी क्षेत्रको सहकार्य अत्यावश्यक भएको बताए । 

नेपालको अर्थतन्त्र कसरी चलायमान बनाउने भन्ने विषयमा गहन अध्ययन भइरहेको भन्दै उनले यसबारे नयाँ कार्यकारिणी समितिबाट पास गराएर भिजन पत्र  सार्वजनिक गरिने बताए । 

अहिले विभिन्न मुलुक कोभिड १९ को खोपको अन्तिम तयारीमा रहेका भन्दै खोप ल्याउन निजी क्षेत्रको सहकार्य आवश्यक भएमा तयार भएको बताए । 

क्षेत्रगत रुपमा आर्थिक राहतको प्याकेज ल्याउन उनले सरकारसँग माग गरेका छन् । 

उनले महामारीका बीचमा पनि कृषिमा समस्या यथावत रहेको औंल्याउँदै यसमा सरकारले उचित कार्यक्रम ल्याउन नसकेको बताए ।  

उद्योग व्यवसायले ब्याजदर छुट, कर्जा लगायतको अपेक्षा गरेकोमा सरकारको ध्यान जान जरुरी रहेको बताए । 

राहतका कार्यक्रम सार्वजनिक भयपनि कार्यान्वयन हुन नसक्दा उद्योग व्यवसाय समस्यामा भएको उनले बताए । 

पुनकर्जा कोष २  खर्ब पुर्याउनुपर्नेमा उनले जोड दिए । उनले समय ३ वर्ष बनाउनुपर्नेमा जोड दिए । 

कृषिको पुनरसंरचना गर्नुपर्नेमा उनले जोड दिए । 
 उनले आत्मनिर्भर अर्थतन्त्र निर्माणका लागि निजी क्षेत्र योगदान गर्न चाहने उनले बताए ।