नेपालमा  कोरोना  सङ्क्रमण  ह्वात्तै  बढेको  छ  ।  झन्डै  शून्यतर्फ  झरिसकेको कोरोना विस्तारै उकालो लाग्दै दैनिक एक  हजार  दुई  सयभन्दा  बढी  सङ्क्रमित  थपिन  थालेका छन् ।
स्वास्थ्य तथा जनसङ्ख्या मन्त्रालयका अनुसार पछिल्लो  २४  घण्टामा  मात्र  थप  एक  हजार  २८१  जनामा  कोरोना  सङ्क्रमण  देखिएको  छ  ।  सोही  अवधिमा  सङ्क्रमणबाट  आठ  सङ्क्रमितको  मृत्यु  भएको छ । कुनै दिन मृत्यु शून्य हुने गथ्र्यो । अब मृत्यु पनि दैनिक बढेको छ । सोमबार नै थप २५५ जना सङ्क्रमित निको भएका छन् । मन्त्रालयका  अनुसार  निको  हुने  दर  ९६.४  प्रतिशत  पुगेको  छ  ।

 स्वास्थ्य  तथा  जनसङ्ख्या मन्त्रालय सोमबार जारी  गरेको  विवरणअनुसार  सात हजार एक जनाको पीसीआर र ५४७ जनाको एन्टिजेन  परीक्षण  भएको  छ  ।    देशमा  सक्रिय  सङ्क्रमितको सङ्ख्या सात हजार २५४ पुगेको छ । यो सङ्ख्या आठ सयमा झरिसकेको थियो । यस्तै मृत्यु हुनेको सङ्ख्या तीन हजार ९१ पुगेको छ । सोमबार सबैभन्दा बढी सङ्क्रमित २० देखि २९ वर्ष उमेर समूहका व्यक्ति छन् । उनीहरूको सङ्ख्या ३०७ छ । त्यसपछि बढी क्रमशः ३० देखि ३९ वर्ष र ४० देखि ४९ वर्ष उमेर समूहको रहेको छ । यो सङ्ख्या क्रमशः  २७५  र  २२२  रहेको  छ  ।

 १९  वर्षमुनिका  सङ्क्रमितको  सङ्ख्या  ९८  छ  ।  त्यसमा  नौ  वर्ष  मुनिकाको सङ्ख्या २४ रहेको मन्त्रालयले जनाएको छ ।  यस्तै सोमबार काठमाडौँमा उपत्यकाका तीन जिल्लामध्ये काठमाडौँमा ५०५ जना, ललितपुरमा ९७ जना र भक्तपुरमा सात जना सङ्क्रमित थपिएका छन् ।