काठमाडौं, १४ जेठ— राष्ट्रकवि माधव प्रसाद घिमिरेको स्वास्थ्य अवस्था राम्रो रहेको पारिवारिक स्रोतले जनाएको छ ।
घिमिरेकी नातिनी महिना घिमिरेले हजुरबुबा खाना खाएर राती साढे ९ बजेतिर सुतेको जानकारी दिँदै स्वास्थ्य अवस्था सामान्य रहेको बताइन् ।
सामाजिक सञ्जालमा घिमिरेबारे अनावश्यक हल्ला फैलिएपछि आइतबार राती लोकान्तरसँग उनले भनिन्, ‘कसले गलत हल्ला फैलाएछ, हामीलाई निकै दुःख लागेको छ ।’
उनले अनावश्यक हल्ला फैलाउनेमाथि कारबाही हुनुपर्ने माग समेत गरेकी छिन् ।