नेकपा एमालेका नेता तथा पूर्व मन्त्री महेश बस्नेतले जनता समाजवादी पार्टीको संसदीय दलको नेता भएकोमा राजेन्द्र महतोलाई बधाई दिएका छन् । 

शनिवार सामाजिक सञ्जाल फेसबूकमा एक स्टाटस लेख्दै उनले भक्तपुरको रिसोर्टमा पार्टीको बैठक राखेर ऐतिहासिक निर्णय गरेकोमा खुशी समेत व्यक्त गरेका छन् । 

उनले भनेका छन्, 'उहाँहरुको पार्टीको बैठक भक्तपुरमा बसेर यो ऐतिहासिक निर्णय गर्नु भएकोमा भक्तपुर बासीको निमित्त खुसीको कुरा हो। विगतमा एमाले, माओवादी, कांग्रेस लगायतका दलहरुले पनि कतिपय महत्त्वपूर्ण बैठकहरू विभिन्न होटल, रिसोर्टहरुमा गर्दै आएको प्रचलन नेपालको राजनीतिमा सामान्य नै हो।'