भारतको संसदमा मनसून सत्रको चौथो दिन तृणमूल कांग्रेसका सांसदलाई सत्रभरिका लागि निलिम्बन गरिएको छ । 

सेनले बिहीवार सूचना प्रविधिमन्त्री अश्विनी वैष्णवको हातबाट कागज खोसेर च्यातेका थिए । 

वैष्णवले तृणमूलको नेतृत्वमा बंगालमा हिंसाको संस्कृति रहेको र त्यही संस्कृति उसले संसदमा पनि भित्र्याउन खोजेको प्रतिक्रिया दिए । 

वैष्णव बुधवार सदनमा पेगासस सफ्टवेयरमार्फत भारतीयहरूको जासूसी गरिएको आरोपमा बयान दिइरहेका थिए । उनी बोल्दै गर्दा सेनले उनको हातबाट कागज खोसे र टुक्रालाई हावामा फ्याँके । 

सेनले चाहिँ आफूलाई केन्द्रीय मन्त्री हरदीप पुरीले अपशब्द बोलेको र कुटपिट पनि गर्न खोजेको तर सहयोगीहरूले बचाएको भनी बयान दिएका छन् । 

विपक्षी कांग्रेस पार्टीले संसदमा अब पेगाससको भन्दा पनि किसान आन्दोलनका बारेमा छलफल गराउन चाहेको छ ।