तीन वर्षको अवधिमा टिभीएस एनटर्क १२५ स्कुटर ५० हजार युनिट बिक्री भएको छ।

शंकर समूह अन्तर्गतको जगदम्बा मोटर्सले माइलस्टोन पार गरेको जनाएको छ।

पावरफूल, स्पोर्टी लुक र ब्लुटुथ जडान भएको यो स्कुटर युवापुस्ताको पहिलो रोजाईमा पर्ने गरेको छ।

सन् २०१८ मा टिभीयस एनटर्क १२५ नेपालमा पहिलो ब्लुटुथ जडान गरिएको स्कुटरको रुपमा बिक्री सुरु भएको थियो। टिभीएस मोटरका इन्टरनेशलन विजनेश प्रेसिडेन्ट आर दिलिपले एनटर्क नेपाली उपभोक्ताको लोकप्रिय स्कुटर बनेको बताए।

उनले एनटर्कले स्कुटरमा बेन्चमार्क सेट गरेको बताउँदै एपिएरेन्स र टेक्नोलोजीका हिसाबले उत्कृष्ट रहेको समेत जिकिर गरे। शंकर समूहका प्रवन्ध निर्देशक साहिल अग्रवालले छोटो समयमै एनटर्क स्कुटर स्थापित हुन सफल भएको बताए।