उत्तर प्रदेश सरकारलाई राज्यमा भारी वर्षाका कारण बालीनाली परेको प्रभाबको लेखा राख्दै प्रभावित किसानलाई क्षतिपूर्ति उपलब्ध गराउन काँग्रेस महासचिव प्रियंका गान्धीले शुक्रबार आग्रह गरेका छन् ।

गान्धीले हिन्दी भाषामा गरेको ट्वीटमा भनिएको छ, “उत्तर प्रदेशमा भारी वर्षाका कारण धेरै ठाउँमा किसानको बालीनालीमा ठूलो क्षति पुगेको छ । स्वास्थ्य महामारीपछि आएको अर्को विपत्तिले गर्दा मन्दी र मुद्रास्फीतिको सामना गरिरहेका कृषकहरू चिन्तित बनेका छन् । म उत्तर प्रदेश सरकारलाई किसानहरूको क्षतिको मूल्यांकन गर्न र उचित क्षतिपूर्ति दिन अनुरोध गर्छु ।”

यसैबीच शुक्रबार उत्तर प्रदेशका मुख्यमन्त्री योगी आदित्यनाथले भारी वर्षाका कारण प्रभावित जनतालाई तत्काल राहत दिन राज्यका सबै जिल्ला मजिस्ट्रेटलाई निर्देशन दिएका छन् ।