फागुन २८, २०७९
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
माघ १४, २०७८
नेपाली कांग्रेसका उपसभापति र महामन्त्रीहरूले पार्टी सभापति शेरबहादुर देउवालाई वैशाखमै चुनाव गर्ने निर्णय गर्न सुझाव दिएका छन् ।
शुक्रवार पार्टीको केन्द्रीय कमिटी भर्चुअल बैठकपछि पार्टी सभापति शेरबहादुर देउवासँग भेटेर उनीहरूले संविधान र कानूनले तोकेकै मितिमा चुनाव गर्ने निर्णय गठबन्धनबाट गराउन सुझाव दिएका हुन् ।
केन्द्रीय कमिटीको भर्चुअल बैठक समापन भएपछि उपसभापतिहरू पूर्णबहादुर खड्का र धनराज गुरूङ, महामन्त्रीहरू गगनकुमार थापा र विश्वप्रकाश शर्माले पार्टी सभापति देउवासँग छलफल गरेका थिए ।
शनिवार आगामी निर्वाचनबारे छलफल गर्न सत्तारूढ गठबन्धनको बैठक बस्ने तय भएको छ । बैठकमा निर्वाचन सार्ने विषयमा सहमति व्यक्त नगर्न नेताहरूले पार्टी सभापति एवं प्रधानमन्त्री देउवालाई सुझाव दिएका छन् ।
‘चुनाव समयमै गराउनेबारे छलफल भएको छ । चुनाव गराउने जिम्मेवारी कांग्रेसको हो । वैशाखमै चुनाव गर्नुपर्छ भन्नेबारे हामीले छलफल गरेका छौं,’ उपसभापति धनराज गुरूङले भने ।
त्यसबाहेक पार्टी सभापतिसँग भातृ संगठनहरूको व्यवस्थापन समयमै गर्नुपर्नेबारे पनि छलफल भएको उनले बताए ।
‘भातृ संस्थाहरूको म्याद सकिँदैछ । कतिपय पदाधिकारीहरू नै केन्द्रीय सदस्य बनेका छन् । विधानले पनि माथिल्लो तहमा गएपछि तल्लो तहमा रिक्त हुने व्यवस्था गरेको छ । त्यसैले समयमै भातृ संस्थाको नेतृत्व चयन गराउनेबारे छलफल गरेका छौं,’ उनले भने ।
१ हप्ताभित्रमा केन्द्रीय कार्यसम्पादन समितिको बैठक बोलाउने र समसामयिक राजनीतिक विषयमा निर्णय लिइने उनले बताए ।
शुक्रवारको केन्द्रीय कमिटी बैठकले ३७ सदस्यीय केन्द्रीय कार्यसम्पादन समिति गठन गरेको छ । केन्द्रीय कार्यसम्पादन समितिको पहिलो बैठकको मुख्य एजेण्डा नै भातृ संगठनको विषयलाई बनाउने सहमति भएको उनले बताए ।
त्यसबाहेक सरकारको कामबारे पनि छलफल भएको नेताहरूले बताएका छन् । विशेषगरी उखु किसानको समस्या र मलखाद समयमा उपलब्ध गराउने विषयमा प्रधानमन्त्रीको ध्यानाकर्षण गराइएको गुरूङले बताए ।
५ मिनेटमै सकिएको भर्चुअल बैठक
कांग्रेस केन्द्रीय कार्यसमितिको भर्चुअल बैठक करीब ५ मिनेट बसेर सकिएको छ । कोरोना संक्रमणको जोखिमका कारण कांग्रेसले केन्द्रीय समितिको बैठक भर्चुअल रूपमा बोलाएको थियो ।
कांग्रेस सभापति शेरबहादुर देउवा लगायत मुख्य पदाधिकारी कांग्रेसको केन्द्रीय कार्यालय सानेपाबाट भर्चुअल रूपमा बैठकमा सहभागी भएका थिए ।
बैठक शुरू गर्दै सभापति देउवाले कोरोना महामारीका कारण भर्चुअल रूपमा बैठक बस्नुपरेको बताउँदै केन्द्रीय कार्यसम्पादन समिति गठन गर्ने प्रस्ताव रहेको बताएका थिए ।
त्यसपछि उनले महामन्त्री गगन थापालाई केन्द्रीय सम्पादन समितिमा रहने व्यक्तिको नाम पढ्न लगाएका थिए ।
अहिले सबैलाई केन्द्रीय कार्यसम्पादन समितिमा समेट्न नसकिएको र पछि समेटिने पनि देउवाले बताए ।
महामन्त्री थापाले प्रस्ताव पढेर सुनाएपछि बैठकले पारित गर्यो र बैठक सकियो । अन्य कुनै पनि विषयमा बैठकमा छलफल नभएको र नेताहरूले बोल्ने अवसर पनि नपाएको केन्द्रीय सदस्यहरूले बताएका छन् ।
आगामी दिनमा महत्त्वपूर्ण विषयमा केन्द्रीय कार्यसम्पादन समितिको बैठकमा छलफल गरेर निर्णय लिने तयारी कांग्रेसले गरेको छ । कांग्रेसको विधानअनुसार केन्द्रीय कार्यसम्पादन समितिले गरेको निर्णय केन्द्रीय समितिले अनुमोदन गर्नुपर्छ ।
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...