कास्की पोखरा महानगरपालिका-३०, पावर हाउसचोकबाट करीब एक किलो बराबर बिस्कुट आकारमा रहेको सुनसहित एक जना पक्राउ परेका छन् । 

पोखरा महानगरपालिका-१५, रामबजार बस्ने २५ वर्षीय रेशम सुनारलाई शनिवार राति प्रहरीले पक्राउ गरेको हो । 

काठमाडौंबाट पोखरातर्फ जाँदै गरेको ग १ ख २९६९ नम्बरको हाइसलाई वडा प्रहरी कार्यालय गंगनगौडाबाट खटिएको प्रहरीले जाँच गर्ने क्रममा हाइसमा सवार सुनारलाई लुकाई ल्याएको सुनसहित फेला पारी पक्राउ गरेको हो ।

यस सम्बन्धमा थप अनुसन्धान भइरहेको प्रहरीले जनाएको छ ।