बुधवार शेयर बजारको मापक सूचक नेप्से परिसूचक २२.११ अंकले घटेको छ । नेप्से ०.७८ प्रतिशतले घटेर २८१३.४७ बिन्दुमा सीमित भएको छ । 

बजार घटेसँगै कारोबार रकमसमेत जम्मा तीन अर्ब ४७ करोड रूपैयाँमा मात्रै सीमित भएको छ । आज २२३ कम्पनीको ६५ लाख २० हजार कित्ता शेयरको ४५ हजार ११२ पटक मात्रै कारोबार भएको छ । 

बजार घटेको दिन सबै समूहको परिसूचक घटेको छ । शेयर बजार घटेको भए पनि लिबर्टी हाइड्रोपावरको शेयर मूल्य भने ३.०८ प्रतिशतले बढेको छ । आरम्भ चौतारी लघुवित्त वित्तीय संस्थाको शेयर मूल्य पनि २.८० प्रतिशतले बढेको छ ।

जनउत्थान सामुदायिक लघुवित्त विकास बैंक, लाइफ इन्स्योरेन्स कर्पोरेसन, मैलुङ खोला जलविद्युत् कम्पनीसहितका कम्पनीका लगानीकर्ताले भने १.८५ प्रतिशत भन्दा बढीले कमाएका छन् । बजार घटेका कारण बुद्धभूमि नेपाल हाइड्रोपावर हाइड्रोपावर कम्पनीका लगानीकर्ताले ६ प्रतिशतभन्दा बढीले गुमाएका छन् ।

नेपाल एसबीआई बैंक ऋणपत्र, नेपाल हाइड्रो डेभलपर्स, सप्तकोशी डेभलपमेन्ट बैंक, विन नेपाल लघुवित्त वित्तीय संस्थासहितका लगानीकर्ताले भने ३ प्रतिशत भन्दा बढीले गुमाएका छन । 

आज सबैभन्दा बढी रकमको शेयर कारोबार हुनेमा अरुण भ्याली हाइड्रोपावर डेभलपमेन्ट कम्पनीको १८ करोड रूपैयाँको कारोबार भएको छ । 

सबैभन्दा बढी शेयर कारोबार निफ्राको भएको  छ । यसको ३ लाख ५७ हजार कित्ता शेयरको २ हजार १५७ पटक निफ्राको शेयर किनबेच भएको छ ।