×

NIC ASIA

स्थानीय चुनाव

पोखराको मेयर बन्न केन्द्रीय नेतादेखि सांसदको होडबाजी, ३ महिना अघिदेखि नै दौडधूप

फागुन ३, २०७८

Prabhu Bank
NTC
तस्वीरमा क्रमश: कृष्ण थापा, राजीव पहारी, गंगाधर पराजुली, सरस्वती गुरुङ, कृष्ण केसी, विश्वप्रकाश लामिछाने र दीपक कोइराला
Premier Steels

स्थानीय तह निर्वाचन घोषणा भएपछि गण्डकी प्रदेशको राजधानी पोखरामा चुनावी सरगर्मी बढेको छ ।

Muktinath Bank

वैशाख ३० गते हुन गइरहेको स्थानीय तह निर्वाचनमा पोखरा महानगरपालिकामा मेयरको उम्मेदवार बन्न आकांक्षीहरूले जनताको नजिक पुग्ने उपाय खोजिरहेका छन् ।


Advertisment
RMC TANSEN
IME BANK INNEWS
shivam ISLAND

देशको पर्यटकीय नगरी पोखराको मेयर बन्नका लागि पूर्व मन्त्रीदेखि पूर्व सांसदहरूले समेत आकांक्षा देखाएका छन् । २०७४ सालमा सम्पन्न स्थानीय तह निर्वाचनमा पोखराको मेयर नेकपा एमालेले जितेको थियो ।


Advertisment
Nabil box
Kumari

यतिबेला एमाले विरासत जोगाउने कोसिसमा छ भने कांग्रेसले चुनाव जित्ने रणनीति बनाइरहेको छ ।

Vianet communication

मेयरका आकांक्षीले अनौपचारिक रूपमा लविङ र प्रचार अभियान थालिरहेका छन् । यसै अनुरूप सम्बन्धित राजनीतिक पार्टी तथा भातृ संगठनका नेतृत्वसँग भेटघाट तथा छलफल तीव्र भइरहेको छ ।

देशकै दोस्रो ठूलो शहर भएकाले पनि विगतदेखि नै चुनावी माहोल केही अगावै तात्ने गरेको थियो । यसपटकको स्थानीय चुनावमा पनि विशेष गरी ठूला राजनीतिक दलबाट को उम्मेदवार बन्ने भन्ने कुरा सामाजिक सञ्जाल होस् या अनौपचारिक छलफल वा सार्वजनिक बहसमा व्यक्तिगत आकांक्षाहरू प्रत्यक्ष वा अप्रत्यक्ष रूपमा व्यक्त भइरहेका छन् ।

कास्कीमा हालै सम्पन्न ठूला दलका अधिवेशनमा गुटको प्रभाव प्रस्ट देखिएको थियो । त्यसैले आसन्न स्थानीय चुनावको माहोल पनि गुटकै सेरोफेरोमा तातेको छ । त्यसैले उम्मेदवारका आकांक्षीको तयारी दलगत प्रतिस्पर्धाभन्दा पनि गुटभित्रको प्रतिस्पर्धामा केन्द्रित छ ।

आकांक्षीहरूले आफ्नो तरिकाले प्रचारप्रसार र भेटघाट गरिरहे पनि स्थानीय स्तरमा चर्चामा आएका अनुहारहरूको प्रायः सामाजिक र राजनीतिक पृष्ठभूमि पनि लगभग बराबर भएकाले महानगरपालिकाको मेयरका लागि कसले टिकट पाउला भन्ने जनचासो बढेको छ ।

यसअघिको स्थानीय तह निर्वाचनमा नेकपा एमालेबाट बहालवाला मेयर मानबहादुर जिसीसँगै एमाले कास्की जिल्ला अध्यक्ष तथा पोखराका पूर्व मेयर कृष्ण थापा, अखिल नेपाल महिला संघ हुँदै पार्टीका विभिन्न भातृ तथा जनवर्गीय संगठनमा लामो समयदेखि विभिन्न महत्त्वपूर्ण पदमा सक्रिय मित्रकुमारी गुरुङ, केन्द्रीय सदस्य श्रीनाथ बरालको पनि चर्चा थियो । अहिले श्रीनाथ बराल एकीकृत समाजवादी पार्टीमा गइसकेका छन् ।

नेताहरू कृष्ण थापा, मित्रकुमारी गुरुङको सम्भावनाबारे पनि जनस्तरमा छलफल हुने गरेको छ । एमालेको जिल्ला तथा प्रदेश निर्वाचनमा २ खेमा देखिएकाले नयाँ स्थापित अनुहारको चर्चा समेत छ ।

कास्की एमालेभित्र प्रतिनिधिसभा सदस्य तथा पूर्व स्वास्थ्यमन्त्री खगराज अधिकारी र गण्डकी प्रदेशका निवर्तमान मुख्यमन्त्री पृथ्वीसुब्बा गुरुङको छुट्टाछुट्टै खेमा छ । गुरुङ खेमाबाट बहालवाला प्रदेशसभा सांसद तथा पोखराको लेकसाइडका रैथाने नेता राजीव पहारीको चर्चा छ । पहारी अहिले प्रदेशसभा सदस्य छन् । उनी मेयरको उम्मेदवार बन्न चाहेमा प्रदेशसभा सदस्यबाट राजीनामा दिनुपर्नेछ ।

‘अहिलेसम्म उम्मेदवारबारे छलफल भएको छैन, चुनावको मिति घोषणा भइसकेकाले आकांक्षीले लविङ गरिरहनुभएको छ, सक्षम र योग्य उम्मेदवारलाई हामी अघि सार्छाैं,’ नेकपा एमाले कास्कीका एक नेताले भने ।

नेपाली कांग्रेसमा पार्टी अध्यक्ष शेरबहादुर देउवा समर्थित पूर्व कानूनमन्त्री तथा कांग्रेस कास्कीका पूर्व जिल्ला अध्यक्ष यज्ञबहादुर थापा र कोइराला समर्थित पूर्व जिल्ला अध्यक्ष कृष्ण केसी गरी २ खेमामा कार्यकर्ताहरू विभाजित देखिन्छन् । यसअघिको निर्वाचनमा समेत स्थानीय स्तरमा गुटको प्रभाव देखिएका कारण फेरि प्रभाव पर्न सक्ने आकलन गरिँदैछ ।

नेपाली कांग्रेसबाट यसअघिको स्थानीय तह निर्वाचनमा महानगरको मेयरका लागि वैकल्पिकमा परेका उम्मेदवारमध्ये तत्कालीन पार्टी जिल्ला अध्यक्ष कृष्ण केसी नै अग्रपंक्तिमा छन् ।

उनीसँगै वैकल्पिक उम्मेदवारमा परेका अर्का आकांक्षी नरेशशंकर पालिखेले टिकट नपाएको झोकमा पार्टीबाटै राजीनामा दिइसकेका छन् तर अहिले उनकै दाजुभाइ खलकका अर्का सामाजिक व्यक्ति तथा पोखरा उद्योग वाणिज्य संघका पूर्व अध्यक्ष विश्वशंकर पालिखेको पनि चर्चा छ ।

अर्काेतिर, नेपाल विद्यार्थी संघ हुँदै नेपाली कांग्रेसका विभिन्न भातृ संगठनमा विभिन्न पदमा रहेर लामो समय योगदान गरेका आधारमा गंगाधर पराजुलीको नाम नेपाली कांग्रेसको तर्फबाट महानगर मेयर पदका लागि चर्चामा छ ।

पत्रकारिता पृष्ठभूमिका पराजुली यसैपटक नेपाली कांग्रेस पोखरा महानगर समितिको सभापति पदका लागि भएको निर्वाचनमा थोरै मतान्तरले पराजित भएका थिए ।

यसअघिको स्थानीय तह निर्वाचनमा उपमेयर पदका उम्मेदवार सरस्वती गुरुङको पनि चर्चा उत्तिकै छ । गुरुङ पनि लामो समयसम्म सञ्चार कर्मबाट राजनीतिमा आएकी हुन् ।

‘चुनावको मिति नजिकिँदै गर्दा मेयर र उपमेयर बन्नका लागि साथीहरूले तयारी थाल्नुभएको छ, जसले जित्छ उसलाई उम्मेदवार बनाउँछौं,’ नेपाली कांग्रेसका जिल्ला स्तरीय एक नेताले लोकान्तरसँग भने ।

माओवादी केन्द्र कास्कीले पोखरा महानगरपालिकाको मेयरका लागि गठबन्धनबाट होस् या एकल प्रतिस्पर्धा जे भए पनि आफ्ना तर्फबाट सामाजिक रूपमा उत्तिकै प्रभावशाली देखिएका व्यक्तिलाई उम्मेदवार बनाएर पठाउने तयारी गरिरहेको जनाइएको छ । माओवादी केन्द्रबाट बहालवाला सांसद तथा गण्डकी प्रदेशसभा अन्तर्गतको अर्थ विकास समितिका सभापति दिपक कोइरालाको नाम चर्चामा छ ।

कोइरालाले गण्डकी प्रदेश सांसद हुनुअघि पनि माओवादी नेतृत्वको सशस्त्र द्वन्द्वदेखि नै पार्टी लगायत पार्टी सम्वद्ध भातृ संगठनका महत्त्वपूर्ण पदहरू सम्हालिसकेका छन् ।

अघिल्लो निर्वाचनमा मेयर पदकै उम्मेदवार विश्वप्रकाश लामिछाने बलिया उम्मेदवार हुनसक्ने चर्चा जनस्तरमा छ । 

स्थानीय तह चुनावका उम्मेदवारबारे पार्टी कार्यालयहरूले औपचारिक जानकारी दिइरहेका छैनन् । 

hAMROPATRO BELOW NEWS
TATA Below
कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

कस्तो बजेट ? कत्रो बजेट ?

कस्तो बजेट ? कत्रो बजेट ?

जेठ ११, २०८१

आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

x