पाकिस्तानका विधायकहरूबीच शनिवार झडप भएको छ । 

विपक्षीहरुले अविश्वासको मत भन्दा अगाडि सत्तारुढ दलका सदस्यहरूले समय खेर फालेको आरोप लगाएका छन् । 

विश्वासको मत प्रधानमन्त्री इमरान खानको पक्षमा नआउने देखेपछि सरकारले आफ्नो पार्टीबाट नियुक्त अधिकारीलाई गलत मनसायका लागि प्रयोग गरी मतदानलाई लम्ब्याएको आरोप विपक्षी नेताले लगाएका छन् ।

शनिवार अपरान्ह दोस्रो पटक मतदान कार्यक्रम स्थगन गरिएको छ । रमजान व्रत तोडेपछि विधायकहरूलाई साँझमा फर्कन भनिएको छ ।

झडपका समय संसदमा उपस्थित नभएका खानले ३४२ सिटको विधान सभामा गठबन्धन साझेदार र आफ्नै पार्टीका सदस्यहरूको कार्यक्षमता तथा गलत कामका कारण आफ्नो बहुमत गुमाएका छन् । उनलाई बर्खास्त गर्न विपक्षीलाई जम्मा १७२ मत मात्र आवश्यक छ ।

एजेण्डामा नयाँ प्रधानमन्त्रीको लागि कुनै मत छैन । यद्यपि पाकिस्तान मुस्लिम लिग–एन (पीएमएल–एन) का नेता शेहबाज शरीफलाई नयाँ प्रधानमन्त्रीको उम्मेदवारका रूपमा चर्चा गरिएको छ ।

बढ्दो मुद्रास्फीति, डलरसँग कमजोर बनेको पाकिस्तानी मुद्रा र कर्जा व्यवस्थापनका कारण जसले आफ्नो जिम्मेवारी सम्हाल्छ उसलाई खानलाई जस्तै संकटले पिरोल्ने अनुमान गरिएको छ । रासस/एएफपी