भारतको उत्तर प्रदेशका मुख्यमन्त्री योगी आदित्यनाथले धार्मिक कार्यक्रम माइकमा बजाएर होहल्ला गर्न नपाइने आदेश गरेका छन् ।

ईद र अक्षय तृतीया पर्व नजिकिँदै गर्दा मुख्यमन्त्री योगीले शान्तिसुरक्षा कायम राख्न आह्वान गरेका छन् ।

धार्मिक कार्यक्रमको आवाज कार्यक्रमस्थल बाहिर जान नपाइने प्रावधान बनाइएको छ । कार्यक्रमस्थल बाहिर आवाज गएमा प्रहरीले कारवाही अगाडि बढाउने छ ।

एउटा धार्मिक समुदायको कार्यक्रमको आवाजले अर्काे धार्मिक समुदायलाई अप्ठ्यारो परेर अशान्ति उत्पन्न हुनसक्नेतर्फ सचेत हुँदै योगीले हल्ला गर्न नपाइने मापदण्ड बनाएका छन् । यसअघि राजधानी दिल्ली लगायत क्षेत्रमा माइकको आवाजकै कारण विवाद उत्पन्न भएको भारतीय सञ्चारमाध्यमले जनाएका छन् ।