×

X
Nic Asia
Khukuri
Daraz

स्थानीय चुनाव

प्रदेश सांसदको 'मेयर मोह' : स्थानीय चुनाव लड्न ७ सांसदले दिए राजीनामा

काठमाडाैं | बैशाख ११, २०७९

NTC
Argakhanchi Cement
Premier Steels
TVS INSIDE

स्थानीय तहमा मेयर बन्नका लागि चार प्रदेशका ७ जना सांसदले पदबाट राजीनामा दिएका छन् ।

LAxmi BAnk
nabil BANK inside

बागमती प्रदेशबाट नेकपा एमालेका २ जना, मधेश प्रदेशबाट जसपा र कांग्रेसका गरी २ जना, १ नम्बर प्रदेशबाट एमालेका २ जना र लुम्बिनी प्रदेशबाट माओवादी केन्द्रबाट १ जना सांसदले राजीनामा गरेका छन् ।


Advertisment
RMC TANSEN
cg elex island
NIC ISLAND BOX

त्यसैगरी अन्य प्रदेशहरूमा सांसदले राजीनामा नगरेपनि तिनका स्वकीय सचिवहरूले राजीनामा गरेका छन्।

महानगरपालिकामा मेयर बन्नका लागि भन्दै बागमती प्रदेशका दुईजना सांसदहरूले पदबाट राजीनामा दिएका छन्।


Advertisment
Saurya island

चितवनको भरतपुर महानगरपालिकाको मेयर बन्नका लागि बाग्मती प्रदेशका सांसद विजय सुवेदीले दिएको राजीनामा वैशाख ८ गते नै सभामुख सानुकुमार श्रेष्ठले स्वीकृत गरी उक्त पद रिक्त भएको सूचना प्रकाशित गरेका थिए ।

उनले एमालेबाट भरतपुर महानगरपालिकामा मेयर पदमा उम्मेदवारी दिँदैछन् ।

Vianet communication
IME BANK INNEWS

प्रदेश सभा सचिवालयका सचिव कृष्णहरि खड्काले विज्ञप्ति जारी गर्दै सुवेदीले दिएको राजीनामा सभामुखबाट स्वीकृत भएको तथा उक्त पद रिक्त भएको जनाएका थिए।

त्यसैगरी काठमाडौं महानगरपालिकामा मेयर पदमा उम्मेदवारी दिनका लागि एमालेकै प्रदेश सांसद केशव स्थापितले पनि राजीनामा दिएका छन् ।

स्थापितले वैशाख ११ गते दिएको राजीनामा सभामुखले स्वीकृत गरेको प्रदेश सभा सचिवालयका सचिव श्रेष्ठले बताए ।

मेयर बन्नका लागि भन्दै मधेश प्रदेश सभाका २ जना सांसदहरूले पदबाट राजीनामा गरेका छन्।

रौतहटको निर्वाचन क्षेत्र नम्बर ४(२)बाट निर्वाचित शेषअबुल कलाम आजादले दिएको राजीनामा वैशाख ९ गते सभामुख सरोजकुमार यादवले स्वीकृत गरेका थिए ।

रौतहटको गढीमाई नगरपालिकाको प्रमुख बन्नका लागि उनले राजीनामा दिएपछि सभामुख यादवले सोही दिन उक्त क्षेत्रको प्रदेश सभा सदस्य पद रिक्त भएको सूचना प्रकाशित गरेका थिए ।

स्वतन्त्रबाट निर्वाचित भएका उनी पछि जनता समाजवादी पार्टीमा प्रवेश गरेका थिए। अहिले जसपाबाट मेयर पदमा लड्नका लागि आजादले प्रदेश सांसदबाट राजीनामा दिएका हुन्।

त्यसैगरी मधेश प्रदेशकै सर्लाही जिल्लाबाट निर्वाचित नेपाली कांग्रेसका प्रमुख सचेतक उपेन्द्र महतो कुशवाहाले सांसद पदबाट राजीनामा गरेका छन्।

प्रदेश सभा सचिवालयका सचिव रञ्जितकुमार यादवका अनुसार वैशाख ११ गते उनको राजीनामा इमेलमार्फत प्राप्त भएको हो ।

सर्लाहीको गोडैता नगरपालिकाको मेयर बन्नका लागि उनले सांसद पदबाट राजीनामा दिएका छन् । उनी सर्लाहीको ४(२)बाट प्रदेश सभामा निर्वाचित भएका थिए।

त्यसैगरी १ नम्बर प्रदेशबाट हालसम्म दुईजना सांसदहरूले मेयर बन्नका लागि सांसद पदबाट राजीनामा दिएका छन् ।

१ नम्बर प्रदेश सभा सचिवालयका सचिव गोपालप्रसाद पराजुलीका अनुसार एमालेका दुईजना सांसदहरूले आज राजीनामा दिएका छन् ।

इलाम १ (२) बाट निर्वाचित काजीमान कागते र झापा १ (२)बाट निर्वाचित गोपालचन्द्र बुढाथोकीले राजीनामा दिएका छन्।

मेची नगरपालिकाको प्रमुख पदमा लड्नका लागि प्रदेश सांसद पदबाट राजीनामा दिएको बुढाथोकीले लोकान्तरलाई बताए।

लुम्बिनी प्रदेशमा नेकपा माओवादी केन्द्रका सांसद दिपेश थारुले वैशाख ९ गते नै सांसद पदबाट राजीनामा दिएका छन्।

बर्दियाको निर्वाचन क्षेत्र नम्बर २(२) बाट निर्वाचित भएका सांसद थारूले राजापुर नगरपालिकामा मेयरको उम्मेदवार बन्नका लागि राजीनामा दिएका हुन्। मेयर पद कार्यकारी पद भएकाले सांसद पदबाट राजीनामा दिएको उनले लोकान्तरलाई बताए ।

कर्णाली प्रदेशमा हालसम्म कुनै सांसदले राजीनामा नदिए पनि ३ जना सांसदका स्वकीय सचिवले राजीनामा दिएका छन्।  

प्रदेश सभा सचिवालयका सचिव जीवराज बुढाथोकीका अनुसार एमालेका तीनजना सांसद यमलाल कंडेल, कौशिलादेवी खत्री र करवीर शाहीका स्वकीय सचिवहरूले स्थानीय चुनावमा उम्मेदवारी दिनका लागि राजीनामा दिएका छन् ।

त्यसैगरी सुदूरपश्चिम प्रदेशमा पनि एमालेका दुईजना सांसदका स्वकीय सचिवले राजीनामा गरेका छन् । त्यहाँको प्रदेश सभा सचिवालयका सचिव देवबहादुर बोगटीका अनुसार एमालेका तर्फबाट पूर्वमन्त्री समेत रहेका पठान सिंह बोहोरा र अर्का एक सांसदका स्वकीय सचिवले राजीनामा दिएका छन् ।

लुम्बिनी प्रदेश सभा सचिवालयका सचिव दुर्लभकुमार पुन मगरका अनुसार एमालेका सांसद नारायणप्रसाद आचार्य र माओवादी केन्द्रका सांसद तुलाराम घर्तीका स्वकीय सचिवले पनि राजीनामा दिएका छन् ।

त्यसैगरी गण्डकी प्रदेशमा हालसम्म कुनै पनि सांसदले राजीनामा नदिएको गण्डकी प्रदेश सभा सचिवालयका उपसचिव जितेन्द्रजंग केसीले बताए । त्यसैगरी संघीय संसद् सचिवालयका सहायक प्रवक्ता दशरथ धमलाका अनुसार प्रतिनिधि सभा र राष्ट्रिय सभामा हालसम्म कुनै पनि सांसदले राजीनामा गरेका छैनन्। तर सांसदका स्वकीय सचिवहरूले भने राजीनामा गरेको हुनसक्ने उनले बताए।

'माननीयज्यूहरूका स्वकीय सचिवले राजीनामा गरेको हुन सक्छ, माननीयज्यूहरूले त्यसको जानकारी पछि मात्र दिने हुनाले अहिल्यै यकिन भन्न सकिएन,' धमलाले लोकान्तरसँग भने ।

मेयर लड्न भनेर राजीनामा दिएका मन्त्रीले टिकट नपाएपछि हत्तपत्त लिए फिर्ता !

सिरहा नगरपालिकाको मेयरमा टिकट सुनिश्चित नभएपछि मन्त्रीले प्रदेश सांसदबाट दिइसकेको राजीनामा फिर्ता लिएका छन् ।

मधेश प्रदेशको कानून, न्याय तथा प्रदेश सभा मामिला मन्त्री प्रमोद यादवले मन्त्री पद तथा सांसद पदबाट राजीनामा दिए पनि मेयरको टिकट पक्का नभएपछि फिर्ता लिएका हुन् ।

नेकपा एकीकृत समाजवादी पार्टीका तर्फबाट सांसद रहेका यादव अहिले प्रदेश सरकारमा मन्त्री छन्।

'साथीभाइहरूको समन्वयमा मेयरको टिकट पाउने सुनिश्चित नभएपछि दिएको राजीनामा मैले फिर्ता लिएको हो,' यादवले लोकान्तरसँग भने, 'सिरहा नगरपालिकामा सत्ता पक्षीय गठबन्धन गरेर नेकपा एसलाई नै मेयर पद दिने भन्ने मौखिक सहमति भए पनि व्यवहारमा नमान्दा मैले आफ्नो राजीनामा फिर्ता लिएको हो ।'

यादव नेकपा एसका सिरहा जिल्ला अध्यक्ष पनि हुन्।

'मैले राजीनामाका लागि अस्ति प्रदेश सभा सचिवालयमा निवेदन दिएको थिएँ, तर दर्ता पनि नभएको हुनाले राजीनामा फिर्ता लिन सहज भएको हो,' उनले भने ।

यसअघि प्रदेश सभा सचिवालयका सचिव रञ्जित यादवले पनि लोकान्तरलाई प्रतिक्रिया दिँदा उनले राजीनामा दिएको खुलाएका थिए। तर अहिले उनी पनि यादवले मन्त्री पदबाट दिएको राजीनामा प्रदेश सभा सचिवालयमा दर्ता नगरी मुख्यमन्त्री तथा मन्त्रिपरिषदको कार्यालयमा जस्ताको त्यस्तै निवेदन फिर्ता पठाएको बताए।

'मन्त्री यादवले सांसद पदबाट राजीनामा दिएको भए प्रदेश सभा सचिवालयमा दर्ता हुन्थ्यो, तर उहाँले मन्त्री पदबाट राजीनामा दिएको भन्दै प्रदेश सभामा निवेदन दिएको हुनाले दर्ता नगरी मुख्यमन्त्री कार्यालयमा पठाएको थिएँ,' प्रदेश सभा सचिवालयका सचिव यादवले भने ।

 


Maruti inside
Mega
NLIC
TATA Below
ncc inside
मंसिर १२, २०७९

काठमाडौं महानगरपालिकाले थापाथलीस्थित वागमती किनारमा सार्वजनिक जग्गा अतिक्रमण गरी बनाइएका अनधिकृत संरचना हटाउन खोज्दा आपराधिक मानसिकता बोकेका व्यक्तिहरूले घरेलुहतियारसहित आक्रमण गरेको जनाएको छ ।  सो...

मंसिर १२, २०७९

बाजुराको त्रिवेणी नगरपालिका–७ मा आम निर्वाचनको दिन २ जनाको ज्यान जाने गरी भएको घटनाको अनुसन्धानका लागि गृह मन्त्रालयले एक समिति गठन गरेको छ । मन्त्रालयका सहसचिव प्रेमप्रसाद भट्टराई, नेपाल प्रहरीका प्रहरी ...

मंसिर १३, २०७९

राष्ट्रिय स्वतन्त्र पार्टीले निर्वाचनको पूर्ण नतिजा आएपछि सरकारमा सहभागिताबारे निर्णय लिने बताएको छ । सो पार्टीका सभापति रवि लामिछानेले आफूहरूले केन्द्रीय राजनीतिको हालको परिस्थितिलाई नजिकबाट नियालिरहेको भन्दै न...

मंसिर १२, २०७९

इलाम १ बाट पराजित भएका नेकपा एकीकृत समाजवादीका सम्मानित नेता झलनाथ खनालले निर्वाचनमा धाँधली भएको दाबी गरेका छन् । निर्वाचनको मतगणनादेखि नै धाँधली भएको दाबी गर्दै आएका खनालले सोमबार आफ्नो विज्ञप्तिमार्फत पनि...

मंसिर १३, २०७९

सुनसरी प्रतिनिधिसभा निर्वाचन क्षेत्र नम्बर ३ मा एमालेकी भगवती चौधरीले फराकिलो अग्रता बनाएकी छन् । कांग्रेसका उम्मेदवार विजय कुमार गच्छदारले भन्दा भगवतीले ६ हजार ३३५ मत बढी प्राप्त गरेको निर्वाचन अधिकृतको कार्यालय...

मंसिर १२, २०७९

निर्वाचन आयोगले प्रतिनिधिसभाको समानुपातिकतर्फ ९२ लाख ५७ हजार ८५० मत गणना सकिएको जनाएको छ । सोमबार बिहान साढे ८ बजेको विवरणअनुसार नेकपा एमालेले २५ लाख २५ हजार मत पाएको पहिलो स्थान कायमै राखेको छ भने कां...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x