१२ असार २०८३, शुक्रबार
थुलुङ दुधकोशी गाउँपालिकाको अध्यक्षमा नेकपा माओवादी केन्द्र विजयी
सोलुखुम्बुको थुलुङ दुधकोशी गाउँपालिकामा नेकपा माओवादी केन्द्र विजयी भएको छ।
गाउँपालिकाको अध्यक्षमा नेकपा माओवादी केन्द्रका असिम राई ४ हजार ४९ मत ल्याएर विजयी भएका हुन्।
उनका निकटतम प्रतिद्वन्द्वी नेपाली काङ्ग्रेसका वीरबहादुर गुरुङले ३ हजार ५११ मत प्राप्त गरे। नेकपा एमालेका उम्मेदवार आङबाबु राईको १ हजार ६०१ मत ल्याएका छन्।
उपाध्यक्षमा पनि नेकपा माओवादी केन्द्रकै सविता राई ३ हजार ८०० मत ल्याएर विजयी भएकी छन्। उनका प्रतिद्वन्द्वी नेपाली कांग्रेसकी एककुमारी कार्कीले ३ हजार ५२३ मत ल्याएकी छन्।
