१० साउन २०८३, आइतबार
२०७४ को स्थानीय तहको निर्वाचनमा ग्रामथान गाउँपालिकाको अध्यक्षमा नेपाली कांग्रेसका उम्मेदवार जयप्रकाश गच्छदार निर्वाचित भएका छन् ।
अहिलेको चुनावमा पूरानै प्रतिस्पर्धीलाई पछि पारेर उनी निर्वाचित भएका हुन् ।
पाँच वर्षअघि आफ्नो पोल्टामा पार्न नसकेको नतिजा पाँच वर्ष पछि उल्ट्याएर ग्रामथान गाउँपालिको अध्यक्षमा गच्छदार निर्वाचित भएका हुन् ।
यस पटकको गच्छदारले भारी मत अन्तरले एमालेका उम्मेदवार शिव नारायण माझीलाई पराजित गर्दै ग्रामथान गाउँपालिको अध्यक्षमा निर्वाचित भए ।
अध्यक्षमा निर्वाचित भएका गच्छदारले ७ हजार ६ सय ५ मत ल्याएर निर्वाचित हुँदा एमालेका उम्मेदवार माझीले ६ हजार ९३ मात्र मत ल्याएका छन् ।
गाउँपालिको उपाध्यक्षमा एमालेकी उम्मेदवार गुणावती देवी थारु निर्वाचित भएकी छिन् । उनले ६ हजार १ सय २३ मत ल्याएकी निर्वाचित भइन् । उनका निकटतम प्रतिद्वन्द्वी नेपाली कांग्रेसकी भुखनाी कुमारी माझीले ५ हजार ४ सय ४८ मत प्राप्त गरिन् ।
अघिल्लो चुनावमा एमालेका उम्मेदवार शिव नारायण माझीले गच्छदारलाई ५९ मतले पछि पार्दै ग्रामथान गाउँपालिकाको अध्यक्षमा विजयी भएका थिए । २०७४ को स्थानिय तहको निर्वाचनमा माझीले ४ हजार ७ सय २० मत ल्याएर गाउँपालिको अध्यक्षमा विजयी हुदा प्रतिस्पर्धी काँग्रेसका गच्छदारले ४ हजार ६ सय ६१ मत पाएका थिए । गच्छदार अघिल्लो चुनावमा झिनो मत अन्तरले पराजित भएका थिए ।
७ वटा रहेको ग्रामथानमा पाँचमा एमाले, काँग्रेस र माओवादी केन्द्रले १/१ वडा जितेका छन् । ग्रामथान १ मा काँग्रेसका सुरेश कुमार माझीले ७१८, २ मा एमालेका यादव खतिवडाले १२९५, ३ मा माओवादीका रमेश कुमार भगले ६७४ मत ल्याएर वडाअध्यक्षमा निर्वाचित भएका छन् । यस्तै ४ मा एमालेका बद्रि नारायण माझी, ५ मा एमालेका भेष नारायण चौधरीले १५५९, ६ मा एमालेका वीर नारायण चौधरीले ८८३ र ७ मा एमालेका विरेन्द्र चौधरीले १०७३ मत ल्याएर वडाअध्यक्षमा जितेका हुन् ।
