रुस र चीनमा विद्युतीय सामग्री उत्पादक कम्पनी ड्यानीले चिनियाँ चाओसिन प्रोसेसरमा काम गर्ने मदरबोर्ड बनाएको छ । 

यस बोर्डलाई एमबीएक्स–जेड६०ए नाम दिइएको छ । 

ड्यानीले यस्ता किसिमका मदरबोर्डहरू ठूलो संख्यामा उत्पादन गर्दैछ । कम्पनीको रुसी शाखा ड्यानी एलएलसीले यसको उत्पादन इलेक्ट्रोस्टालमा गर्दैछ । त्यो ठाउँ मस्कोबाहिर छ । 

चाओसिनका प्रोसेसरहरू इन्टेलका २०१० मोडल बराबरकै छन् । यिनीहरूमा गेम खेल्न मिल्दैन तर अफिस एप्लिकेसनहरू मज्जाले चलाउन मिल्छ । 

मदरबोर्डको व्यापक उत्पादन सन् २०२२ को अन्त्यसम्ममा शुरू गरिनेछ । महिनाको लगभग १२ हजारको दरले उत्पादन गरिनेछ । 

चीन सरकारले केही हप्ताअघि चीनका सबै सरकारी कार्यालय र सार्वजनिक निकायमा एएमडी र इन्टेल प्रोसेसरहरूको ठाउँमा चाओसिन प्रोसेसर उपयोग गर्ने निर्णय लिएको छ ।

प्राविधिक बहुध्रुवीयतालाई चीन र रुसले कार्यान्वयन गर्न लागेका हुन् ।