×

X
Nic Asia
Dabur
Marvel

गरमागरम राजनीति

नयाँ समीकरणको रस्साकस्सी– वाम तालमेलको प्रयासदेखि प्रधानमन्त्री कार्डको चर्चासम्म

काठमाडाैं | जेठ २०, २०७९

TVS INSIDE

राजनीतिको मुख्य मैदान संसद्मा आगामी आर्थिक वर्षको बजेटमाथि गरमागरम बहस चलिरहेको छ ।

IME BANK INNEWS

आवरणमा सम्पूर्ण राजनीति नै बजेटमा केन्द्रित भएजस्तो देखिए पनि राजनीतिक दलहरू भने नयाँ राजनीतिक समीकरणको आन्तरिक रस्साकस्सीमा छन् । 


Advertisment
NMB BANK
RMC TANSEN
Saurya island

स्थानीय तह निर्वाचनको नतिजापछि संघीय संसद्को प्रमुख प्रतिपक्षी दल नेकपा एमाले आसन्न संसदीय चुनावलाई लिएर बढी नै पिरोलिएको देखिन्छ । 

स्थानीय चुनावमा अपेक्षा गरेभन्दा कमजोर नतिजा प्राप्त गरेको एमालेले संसदीय चुनावमा सके वामपन्थी तालमेल गर्ने, नभए मधेशकेन्द्रित दलहरूसँग भए पनि गठबन्धन बनाएर जाने प्रयास गरिरहेको छ ।

एमाले अध्यक्ष केपी शर्मा ओलीले मधेशकेन्द्रित दुई ठूला दलहरू जनता समाजवादी पार्टीका अध्यक्ष उपेन्द्र यादव र लोकतान्त्रिक समाजवादी पार्टीका अध्यक्ष महन्थ ठाकुरसँग छुट्टाछुट्टै भलाकुसारी गरेका छन् । 

जेठ ८ मा उपेन्द्र यादवसँग भेटेका ओलीले जेठ १९ मा महन्थ ठाकुरलाई बालकोटमा स्वागत गरेका थिए ।

Vianet communication
Maruti inside

ओली र महन्थको भेटवार्तामा मधेशमा एमाले र लोसपाले गरेको चुनावी तालमेलको विषयमा सामान्य समीक्षा भएको र आगामी दिनमा हुनसक्ने राजनीतिक सहकार्यका बारेमा छलफल भएको महन्थनिकट स्रोतले बताएको छ । 

मधेश प्रदेशमा बढेको एमालेप्रतिको आकार्षणलाई वर्चश्वमा पुर्‍याउने प्रयासका लागि पनि एमाले अध्यक्ष केपी शर्मा ओलीले मधेशकेन्द्रित दलहरूलाई प्रयोग गर्न खोजेको हुन सक्ने राजनीतिक विश्लेषकहरूको भनाइ छ । स्थानीय तह चुनावको नतिजाले मधेशमा एमालेको अवस्थामा व्यापक सुधार आएको देखिएको छ । 

जसपाका अध्यक्ष उपेन्द्र यादवले जसपा र लोसपा एकीकरणको आह्वान गरिरहेका बेलामा यादव र महन्थसँग ओलीले पालैपालो भेट गर्नु अर्थपूर्ण रहेको विश्लेषण राजनीतिज्ञहरूले सुनाउने गरेका छन् ।

एमालेका दोस्रो तहका नेताहरू भने आगामी संसदीय चुनावमा वामपन्थी तालमेल गरेरै जानुपर्ने पक्षमा छन् । एमालेको केन्द्रीय सचिवालयमै रहेका एक नेता भन्छन्, ‘जित्नका लागि चुनावमा जाने हो, अहिलेको अवस्थामा पुनर्विचार गर्नुपर्छ । एमालेविरुद्ध सबै गठबन्धन हुँदा हामी हार्नका लागि मात्रै चुनावमा सहभागी हुने हो ।’

विगतमा भएका गल्ती कमजोरी आत्मसमीक्षा गरेर वामपन्थी पार्टीहरूको मोर्चा बनाएर संसदीय चुनावमा सहभागी हुनुपर्ने ती नेताको भनाइ छ । पार्टीबाट विभाजित भएर गएका नेताहरूलाई फर्किने वातावरण बनाउनुपर्ने र माओवादी केन्द्रसँग तालमेल गरेरै चुनावमा जाने गरी तयारी थालिहाल्नुपर्ने उनले बताए । 

प्रधानमन्त्री कार्डको चर्चा 

एमालेले वामपन्थी तालमेलको वातावरण बनाउनका लागि एकीकृत समाजवादीका अध्यक्ष माधव नेपाल र माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्रीको कार्ड देखाएको चर्चा छ ।

एकीकृत समाजवादीका अध्यक्ष माधव नेपालले सार्वजनिक रूपमा नै प्रधानमन्त्रीका लागि अफर आइरहेको बताएका छन् । स्थानीय तह चुनावमा नवनिर्वाचित आफ्ना पार्टीसम्बद्ध जनप्रतिनिधि तथा कार्यकर्तालाई प्रशिक्षण दिन बिहीवार सुर्खेत पुगेका नेपालले आफूलाई प्रधानमन्त्रीको अफर आएको तर, लालचमा नफस्ने बताएका थिए । तर, उनलाई कसले प्रधानमन्त्रीको अफर गरेको हो भन्ने चाहिँ नेपालले खुलाएनन् । 

‘प्रधानमन्त्रीको कार्ड मान्छेलाई मूर्ख बनाउने तरिका हो । म कुनै प्रकारको लालच पर्ने मान्छे हैन,’ नेपालले भनेका थिए । अहिले सत्तारूढ गठबन्धन कायम रहने भन्दै नेपालले गठबन्धनमा आत्मालोचनासहित चुनावी समीक्षा भएको र संघ तथा प्रदेशको चुनावमा पनि सत्ता गठबन्धनका दलहरूबीच तालमेल हुने बताए ।

उता माओवादी केन्द्रका अध्यक्ष पुष्पकमल दाहाल प्रचण्डले पनि आफूलाई प्रत्यक्ष, परोक्ष रूपमा प्रधानमन्त्रीको अफर आएको बताएका छन् । भर्खरै प्रकाशित भएको एक अन्तर्वार्तामा प्रचण्डले अहिले आफू प्रधानमन्त्रीको रेसमा नरहेको बताएका छन् । 

अहिलेकै गठबन्धन कायम रहने र प्रधानमन्त्री शेरबहादुर देउवाकै नेतृत्वमा प्रदेश र संघको चुनाव हुने प्रचण्डको भनाइ छ ।

नेकपा एमालेका महासचिव शंकर पोखरेलले भने एमाले सत्ता परिवर्तनको चलखेलमा नरहेको दाबी गरेका छन् । 

बिहीवार राति फेसबूकमा स्टाटस लेख्दै महासचिव पोखरेलले एमाले अहिले विकास र समृद्धिका लागि बलियो राष्ट्रिय शक्ति निर्माणको तयारीमा जुटेको बताएका छन् ।

उनले लेखेका छन्, ‘यतिबेला नेकपा(एमाले) सरकार परिवर्तनको खेलमा छैन । विकास र समृद्धिका लागि बलियो राष्ट्रिय शक्ति निर्माणको तयारीमा जुट्दैछ ।’

एमालेले माधव नेपाल र प्रचण्डलाई पालैपालो प्रधानमन्त्रीको अफर गरेको सार्वजनिक चर्चा हुन थालेपछि पोखरेलले यस्तो टिप्पणी गरेका हुन् ।

वामपन्थी तालमेलको प्रयास सफल नभए अहिलेको सत्ता गठबन्धनलाई भत्काउने प्रयासमा एमाले लागेको छ ।

त्यसैका लागि मधेशकेन्द्रित दलका नेताहरूसँग एमाले नेतृत्वले संवाद गरिरहेको एमालेकै नेताहरू स्वीकार्छन् ।

तर, मधेशकेन्द्रित दल जसपा र लोसपा एकीकरण पनि अहिले एमाले र माओवादी पार्टीकै अवस्थामा छ ।

एमाले र माओवादीबीच अहिल्यै पार्टी एकताको सम्भावना नरहेजस्तै मधेशकेन्द्रित दुई दलका बीचमा पनि एकीकरण सहज नभएको मधेश राजनीतिका जानकारहरू बताउँछन् । 

विशेषगरी, लोसपाका नेताहरू जसपाका अध्यक्ष उपेन्द्र यादव बाहेकसँग मात्रै एकता गर्न चाहन्छन् । एमाले माओवादी केन्द्रको सहकार्यमा पनि माओवादी केन्द्रका अध्यक्ष प्रचण्डले केपी ओलीबाहेक एमालेका नेताहरूसँग सहकार्य गर्न सकिने सार्वजनिक अभिव्यक्ति दिएका थिए । 

सत्तारूढ गठबन्धन भत्काउने र वामपन्थी गठबन्धन बनाउने दलहरूको आन्तरिक प्रयास अहिले असाध्यै तरल अवस्थामा छ । यो प्रयास वर्षायामको झरीसँगै बगेर जाने हो वा निश्चित आकार ग्रहण गर्ने हो भन्ने पटाक्षेप हुन केही समय लाग्ने देखिन्छ । 

TATA Below
NLIC
साउन २७, २०७९

प्रतिनिधिसभा चुनावको मिति घोषणा भएपछि सरकारका मन्त्रीहरूको ध्यान सिंहदरबारभन्दा निर्वाचन क्षेत्रमा केन्द्रित हुन थालेको छ । जागिर धान्न सिंहदरबार गएपनि मन्त्रीहरू बिहान बेलुका कार्यकर्तासँगको भेटघाटमा व्यस्त छन् ...

साउन २६, २०७९

नेकपा एमालेबाट विद्रोह गरेर नयाँ दल बनेको १ वर्ष पनि नबित्दै नेकपा एकीकृत समाजवादीभित्र गुट उपगुटको छिनाझप्टी उत्कर्षमा पुगेको छ ।  एमालेभन्दा ठूलो दल हुने भनेर गत वर्षको भदौ ९ गते निर्वाचन आयोगबाट ए...

साउन ३१, २०७९

तालिबानले अफगानिस्तानमा दोस्रोपटक शासन चलाउन थालेको एक वर्ष पूरा भएको छ । सन् २०२१ अगस्ट १५ मा अमेरिकी गुप्तचर निकायहरूको आकलनलाई झूटो साबित गर्दै तालिबानले अमेरिकी सैनिकहरू अफगानिस्तानमा छँदाछँदै राजधा...

साउन २६, २०७९

अमेरिकाको फौजदारी अनुसन्धान संस्था एफबीआईले पूर्वराष्ट्रपति डोनल्ड ट्रम्पको मार–ए–लागो नामक महलमा छापा मारेर खानतलासी गरेपछि अमेरिकामा गृहयुद्ध शब्द चर्चामा आएको छ ।  राष्ट्रपति कार्यकालको अन्...

साउन २७, २०७९

विगत केही वर्षयता हिन्दी सिनेमा जगत् अर्थात् बलिउडलाई बहिष्कार गर्नुपर्ने माग सामाजिक सञ्जालमा जोडतोडका साथ उठिरहेको छ ।  ट्विटरमा ह्याशट्याग बोयकटबलिउड तथा विभिन्न संस्करण प्रायः ट्रेन्डिङमा रहने गरेको छ ।...

साउन २९, २०७९

राष्ट्रपति विद्यादेवी भण्डारीले नागरिकता विधेयक–२०७९ पुनर्विचारका लागि प्रतिनिधि सभामा फिर्ता पठाइदिएकी छिन् । संघीय संसदको दुवै सदनबाट पारित भइ प्रमाणीकरण भएर राष्ट्रपतिकोमा पठाइएका विधेयक फिर्ता गर्ने द...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x