प्रतिनिधिसभाको उपसभामुख पदमा नेकपा एमालेले लोकतान्त्रिक समाजवादी पार्टी (लोसपा)लाई समर्थन गर्ने संभावना बढेको छ । 

हालसम्म उम्मेदवारी नटुंग्याएको प्रमुख प्रतिपक्षी दल नेकपा एमालेले लोसपालाई समर्थन गर्ने संकेत देखाएको हाे । लोसपाको तर्फबाट चन्दाकुमारी चौधरी उम्मेदवार बनेको अवस्थामा समर्थन गर्न सक्ने एमालेकी केन्द्रीय सदस्य डा. शिवमाया तुम्बाहाङ्फेले जानकारी दिइन् । ‘नेताहरूका बीचमा लोसपालाई समर्थन गर्ने सम्बन्धमा सामान्य छलफल भएको छ । तर, अन्तिम निर्णय भएको छैन,’ उनले लोकान्तरलाई भनिन् । 

एमालेका केही नेताहरुले पार्टीको तर्फबाट उम्मेदवारी दर्ता गर्नुपर्ने पनि धारणा राखेका छन् । एमाले नेताहरूबीच विद्या भट्टराईलाई उम्मेदवार बनाउने विषयमा कुराकानी भइरहेको एमाले स्रोतले जनाएको छ । 

संघीय संसद सचिवालयले बिहीवार दिउँसो १ बजेसम्म उम्मेदवारी दर्ता गराउने समय निर्धारण गरेको छ ।