०४ साउन २०८३, सोमबार
कोरोना भाइरसबाट संक्रमितको संख्या बढ्न थालेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप २६० जना कोरोना भाइरस संक्रमित थप भएका छन् ।
मन्त्रालयले दिएको जानकारी अनुसार पछिल्लो २४ घण्टामा देशभरका प्रयोगशालामा ३ हजार ८४४ नमुना परीक्षण गरिएको थियो । त्यसमध्ये २६० जनामा संक्रमण पुष्टि हो ।
जसमध्ये २ हजार २७ जनाको पीसीआर परीक्षण गर्दा २१४ जना र १ हजार ८१७ जनाको एन्टिजेन परीक्षण गर्दा ४६ जनामा संक्रमण देखिएको मन्त्रालयको भनाइ छ । यससँगै कूल सक्रिय संक्रमितको संख्या १ हजार १७१ पुगेको छ ।
मन्त्रालयका अनुसार पछिल्लो २४ घण्टामा ४८ जना कोरोना भाइरस संक्रमणमुक्त भएका छन् ।
संक्रमितमध्ये १ हजार १४८ जना होम आइसोलेसन, २३ जना संस्थागत आइसोलेसन र १४ जना आईसीयूमा उपचारारत रहेको मन्त्रालयले जनाएको छ । यस्तै एक जनाको भेन्टिलेटरमा राखेर उपचार भइरहेको छ ।
