थप २०५ जनामा कोरोना संक्रमण पुष्टि, ५१ जना संक्रमणमुक्त

केही दिनयता कोराना भाइरसबाट संक्रमित हुनेको संख्या उकालो लागिरहेको छ । यसैक्रममा पछिल्लो २४ घण्टामा २०५ जनामा कोरोना भाइरस संक्रमित थपिएका छन् । 

स्वास्थ्य तथा जनसंख्या मन्त्रालयका अनुसार तीन हजार ९० जनाको नमूना परीक्षण गर्दा २०५ जनामा संक्रमण पुष्टि भएको हो । एक हजार १९९ पीसीआर विधिबाट परीक्षण गर्दा १५२ जना र एक हजार ८९१ को एन्टिजेन परीक्षणमा ५३ जनामा संक्रमण पुष्टि भएको मन्त्रालयले जनाएको हो ।

योसँगै कोरोना भाइरसबाट सक्रिय संक्रमितको संख्या १ हजार ३८५ पुगेको छ । त्यसमध्ये १ हजार ३४४ जना होम आइसोलेसन, ४१ जनाको संस्थागत आइसोलेसन, १७ जनाको आईसीयू र १ जनाको भेन्टिलेटरमा उपचार भइरहेको छ । 

मन्त्रालयले दिएको जानकारी अनुसार पछिल्लो २४ घण्टामा ५१ कोरोना संक्रमणबाट मुक्त भएका छन् ।