काठमाडौं उपत्यका ट्राफिक प्रहरी कार्यालयले सवारी चालकले लागुऔषध प्रयोग गरे–नगरेको विषयमा परीक्षण थालेको छ । सवारी चालकले लागुऔषध सेवन गरी सवारी चलाए–नचलाएको सम्बन्धमा प्राविधिकसहितको टोली परीक्षण थालेको हो । 

‘टीएचसी किट’को प्रयोग गरी चेकजाँच थालिएको ट्राफिक प्रहरीले जनाएको छ । बुधवार राति काठमाडौं उपत्यका ट्राफिक प्रहरी कार्यालय र जनस्वास्थ्य प्रयोगशाला, धुलिखेलको संयुक्त टोलीले भक्तपुरको जगाते सडकमा ट्रिपर चालकहरूले स्वास्थ्य परीक्षण गरेको प्रहरी वरिष्ठ उपरीक्षक राजेन्द्रप्रसाद भट्टले जानकारी दिए । 

चालकले लागुऔषध प्रयोग गरेर सवारी चलाउँदा दुर्घटनाको जोखिम बढ्ने भएकाले परीक्षणको काम थालिएको उनले बताए । उपत्यकाका विभिन्न स्थानमा टीएचसी किट मार्फत लागुऔषध प्रयोग गरे नगरेको बारेमा परीक्षण अभियान सञ्चालन गर्ने ट्राफिक प्रहरीको तयारी छ ।