जापानमा इन्जिनियरिङ गरिएको नेपाली इलेक्ट्रोनिक्स ब्राण्ड सेन्साईले नजिकिरहेको नेपालीहरूको चाड दशैं तिहार २०७९ लाई लक्षित गर्दै ‘सेन्साई ३ को झट्का, दशैंमा उपहारको फड्का’ नामक योजना हालै बजारमा सार्वजनिक गरेको छ ।

उक्त योजनाअन्तर्गत सेन्साई ब्राण्डका कुनै पनि सामानको खरिदमा लक्की ड्र मार्फत २ भाग्यशाली ग्राहकहरूले एप्पल आइफोन १३, ३ भाग्यशाली ग्राहकहरूले एप्पल आइप्याड १०.२ जस्ता आकर्षक उपहारहरू जित्न सक्नेछन् भने बम्पर लक्की ड्र मार्फत १ भाग्यशाली ग्राहकले यामाहा आर १५ भिथ्री मोटरसाइकल जित्न सक्ने कम्पनीले जनाएको छ । साथै सेन्साईले आफ्नो विभिन्न सामानहरूमा विभिन्न किसिमका वारेण्टीहरू र निशुल्क डेलीभरी पनि प्रदान गर्नेछ ।

सेन्साईका सामानहरूको खरिद गरेपश्चात ग्राहकहरूले आफूलाई लक्की ड्रमा सहभागी गराउन अंग्रेजीमा सेन्सेई टाईप गरी आफ्नो नाम, ठेगाना र खरिद गरिएको सामानको वारेण्टी कार्ड नम्बर लेखि ३१००३ मा एसएमएस गर्नुपर्नेछ । कम्पनीले यो योजना भद्रौ ९ देखि सीमित अवधिका लागि मात्र लागू गरेको जनाएको छ । सेन्साई ब्राण्डको आधिकारिक बिक्रेता चौधरी ग्रुपअन्तर्गत सिजी इओएल रहेको छ ।