सवारी चालक अनुमति पत्रको ट्रायल परीक्षा दिने एकजना नक्कली परीक्षार्थी र त्यसमा संलग्न गराउने अर्का एकजनालाई प्रहरीले पक्राउ गरेको छ । यातायात व्यवस्था कार्यालय कास्की गण्डकी प्रदेशले पोखरामा गत बुधवार सञ्चालन गरेको परीक्षामा सहभागी नक्कली परीक्षार्थीलाई पक्राउ गरिएको हो । 

पक्राउ पर्नेमा जिल्ला मकवानपुर घर भई हाल पोखरा महानगरपालिका वडा नं. ८ सभागृह चोक बस्ने वर्ष २६ की निर्मला विश्वकर्मा र तनहुँ भानु–४ घर भई पोखरा १७ बस्ने वर्ष ३५ की निरा रानाभाट रहेकी छन् । 

विश्वकर्माले भानु नगरपालिका वडा नं. २ की मञ्जु पाण्डेको नाममा ट्रायल परीक्षा दिएको र रानाभाटले परीक्षा दिन लगाएको प्रहरी अनुसन्धानमा देखिएको छ । 

प्रहरीले घटनाका बारेमा थप अनुसन्धान गरिरहेको छ ।