न्याय परिषद्ले महाभियोग सिफारिस समितिलाई निलम्बित प्रधानन्यायाधीश चोलेन्द्रशमसेर जबराको अपूर्ण सम्पत्ति विवरण उपलब्ध गराएको छ । समितिले परिषद्सँग जबराको सम्पत्ति विवरण माग गरेको थियो । 

परिषद्ले शुक्रवार चोलेन्द्रको दुई आर्थिक वर्षको सम्पत्ति विवरण उपलब्ध गराएको छ । आर्थिक वर्ष २०७६/०७७ र २०७७/७८ को सम्पत्ति विवरण मात्र उपलबध गराएको हो । परिषद्ले चोलेन्द्रले आर्थिक वर्ष २०७८/७९को सम्पत्ति विवरण पेश नगरेको जवाफ समितिलाई दिएको छ । 

परिषद्ले उपलब्ध गराएको सम्पत्ति विवरणमा चोलेन्द्रले दुवै वर्ष ठमेलको घर धितो राखेर ९ करोड ८० लाख रुपैयाँ ऋण लिएको उल्लेख गरेका छन् । 

२०७७ भदौ २४ मा चोलेन्द्र बुझाएको सम्पत्ति विवरणमा आफूले रेजी क्षेत्री राणाको नाममा काठमाडौं वडा नं ५ मा कित्ता नं. ७ को १ रोपनी ८ आना ३ पैसा १ दाम जग्गा ८ करोड २६ लाखमा किनेको उल्लेख गरेका छन् । यो वर्ष उनको खातामा ४३ लाख २६ हजार नगद मौज्दात बैंक खातामा रहेको उल्लेख गरेका छन् । 

हेर्नुहाेस् २०७७ भदौ २४ मा चोलेन्द्र बुझाएको सम्पत्ति विवरण

त्यस्तै, चोलेन्द्रले २०७८ साउन २५ मा बुझाएको अर्को सम्पत्ति विवरणमा अन्य सबै विवरण साविककै रहेको उल्लेख गरेका छन् । उक्त वर्षको उनको नगद मौज्दात भने बढेको देखिएको छ । उनको बैंक खातामा उक्त वर्ष ५९ लाख २६ हजार रुपैयाँ रहेको उल्लेख गरेका छन् । उनको ऋणको विवरण पनि यथावत रहेको छ ।  

हेर्नुहाेस् २०७८ साउन २५ मा बुझाएको अर्को सम्पत्ति विवरण