राष्ट्रियसभा निर्वाचनबारे छलफल गर्न शेखर कोइरालाले बोलाए इतर समूहको बैठक

 नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् ।

आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दराज पोखरेलले जानकारी दिए । 

‘महासमितिको बैठक, राष्ट्रियसभा र समसामयिक विषयमा छलफल गर्न पर्सी बस्ने गरी समूहको छलफल बोलाएको जानकारी पाएका छौं’, पोखरेलले भने, ‘बैठकमा पदाधिकारी, केन्द्रीय सदस्य, प्रतिनिधिसभा र राष्ट्रियसभाका सांसद, प्रदेशका पदाधिकारी र सांसदसहितका नेतालाई बोलाएको छ ।’

शेखरले पछिल्लो केही समयता पार्टीमा छुट्टै यस्तो बैठक बोलाएका थिएनन् । तर महासमिति नजिकिएसँगै आफ्नो टिमबाट जितेकासहितका नेतालाई उनले बैठकमा बोलाएका हुन् ।

बैठक आगामी मंगलवार दिउँसो १ बजे बस्ने जनाइएको छ ।