प्यूठानमा शुक्रवार दिउँसो पहिरोले घर बगाउँदा ६ जना बेपत्ता भएका छन् । माण्डवी गाउँपालिका वडा नम्बर ४ फरन्डीस्थित बमबहादुर बुढामगरको घर पहिरोले बगाउँदा ६ जना बेपत्ता भएका हुन् । 

वडाध्यक्ष डिलबहादुर घर्तीमगरका अनुसार पहिरोमा बमबहादुरका पति, पत्नी, बुहारी र ३ जना बालबालिका बेपत्ता भएका हुन् । नजिकै रहेका ३ घरपरिवारलाई सुरिक्षत स्थानमा सारिएको छ ।

सडक अवरुद्ध भएका कारण करिब ३ घन्टासम्म उद्धार टोली घटनास्थलसम्म पुग्न सकेको छैन । उद्धारका लागि प्रहरीको टोली घटनास्थलसम्म जाने क्रममा रहेका छन् ।