जोर्डनबाट लेबनान जाँदै गरेको मिडल इस्ट एयरलाइन्सको यात्रुवाहक विमानमा राजधानी बेरुतमा अवतरण गर्ने क्रममा गोली प्रहार भएको छ । 

विमानमा गोली लागेको घटनाका तस्वीरहरू सामाजिक सञ्जालमा देख्न सकिन्छ । 

सुखद् कुरा के भो भने यस घटनामा कोही पनि घाइते भएनन् ।

रोयटर्सका अनुसार घटना बिहीवार भएको हो।  

लेबनानमा उत्सवको समयमा  फायरिङ गर्नु सामान्य मानिन्छ ।

सोही फायरिङका क्रममा उडिरहेको विमानमा गोली लागेको हो । जुन घटना पहिलो पटक भएको बताइएको छ ।

यो घटना हुँदा लेबनानी सांसद पाउला याकुबियन सोही फ्लाइटमा थिइन् । 

आफ्नो ट्वीटरमा उनले विमान खसालेको तस्विर शेयर गरेकी छन् ।