'विश्वकपको उपाधिमा ब्राजिल र अर्जेन्टिना प्रबल दावेदार'

जर्मनीका पूर्व प्रशिक्षक जर्गेन क्लिन्सम्यानले अर्जेन्टिना र ब्राजिलले सन् २०२२ को फिफा विश्वकपसँगै आउने अनिश्चिततालाई अन्य समूहको तुलनामा राम्रोसँग सम्हाल्ने विश्वास व्यक्त गरेका छन् ।

सिन्ह्वालाई दिएको अन्तर्वार्तामा उनले भने, “ब्राजिल र अर्जेन्टिनाले निकै सफल छनोट अभियान खेलेका छन् । उनीहरूले पनि अघिल्लो विश्वकपमा भन्दा राम्रो प्रदर्शन गर्न सक्ने महसुस गरिएको छ ।”

अर्जेन्टिनाको सन्दर्भमा, क्लिन्सम्यानले सुपरस्टार लियोनल मेसीले उच्च महत्वाकांक्षा निर्माण गर्ने अपेक्षा गरेका छन् । सम्भवतः ३५ वर्षीय मेसीले आफ्नो विश्वकप खेलको अन्तिम प्रस्पिर्धामा भाग लिनेछन् । 

कतारको प्रतियोगितामा सहभागी टोलीले अप्रत्याशित चुनौतीको सामना गर्नुपर्ने उनको भनाइ छ । “हामी अहिले मूल्याङ्कन गर्न सक्दैनौं तरपनि म ब्राजिल र अर्जेन्टिनाले यो बर्ष राम्रो प्रदर्शन गर्नेमा विश्वस्त छु ।” उनले भने । 

सन् १९९० को विश्वकप फुटबलका च्याम्पियनले भने, 'कतारको यो प्रतियोगिताले दुबै टिमका लागि अहिलेसम्म अज्ञात सरप्राइजको माग गरिरहेको छ ।'

सन् १९९६ को युरोपियन च्याम्पियनले दक्षिण अमेरिकाका दुवै राष्ट्र ‘उपाधि जित्नका लागि’ उच्च लयमा रहेको बताए ।