सल्यानमा नेकपा एकीकृत समाजवादीका प्रकाश ज्वालाले प्रतिस्पर्धीभन्दा दोब्बरभन्दा बढी मतान्तरका साथ अग्रता लिएका छन् । 

पछिल्लो अपडेटअनुसार सत्ता गठबन्धनका साझा उम्मेदवार ज्वालाले निकटतम प्रतिस्पर्धी स्वतन्त्र उम्मेदवार राजेन्द्रबहादुर शाहलाई चार हजार ७७९ मतले पछि पारेका हुन । 

ज्वालाले आठ हजार ९०७ र शाहले चार हजार १२८ मत प्राप्त गरेका छन् । एमाले उम्मेदवार राजेन्द्रवीर रायले दुई हजार ४२८ मत प्राप्त गरेका छन् । आइतबार सम्पन्न मतदानमा यहाँ प्रतिनिधिसभातर्फ ८४ हजार २२ मत खसेको थियो । 

सल्यानमा प्रदेशसभाका दुवै क्षेत्रमा सत्तारुढ गठबन्धनका उम्मेदवार अगाडि छन् । प्रदेशसभा १ मा माओवादी केन्द्रका भीमप्रकाश शर्माले चार हजार ३६९, एमालेका कुलबहादुर गिरीले दुई हजार २०५ तथा प्रदेशसभा २ मा कांग्रेसका सुरेश अधिकारीले तीन हजार ५७० र एमालेका गुलाबजंग शाहले तीन हजार ४४४ मत प्राप्त गरेका छन् ।