०४ साउन २०८३, सोमबार
पुसको २९ गतेदेखि प्रदर्शनमा आउने चलचित्र ‘तिम्रो मेरो साथ’को ट्रेलर सार्वजनिक गरिएको छ ।
मंगलवार राजधानीमा एक कार्यक्रमकाबीच सार्वजनिक गरिएको ट्रेलर चलचित्रका मुख्य कलाकारहरू अभिनेत्री साम्राज्ञी राज्यलक्ष्मी शाह र अभिनेता पुष्प खड्का वरीपरी घुमेको छ ।
ट्रेलरमा उनीहरुबीचको प्रेम, रोमान्स, बदला ईत्यादी समावेश छ । साथमा, सन्दीप क्षेत्री, एमिली लामा, सरोज खनाल लगायतलाई समेत ट्रेलरमा प्रस्तुत गरिएको छ ।
पुष्पको एमिलीसँगको प्रेमकथालाई समेत ट्रेलरमा देखाइएको छ ।
प्रेमकथामा निर्माण गरिएको ‘तिम्रो मेरो साथ’लाई रमेश एमके पौडेलले निर्माण एवं निर्देशन गरेका हुन् । यो उनको निर्देशकीय डेब्यू चलचित्र हो ।
पासाङ लामा, अर्नव पौडेल र आर्यन पौडेल पनि निर्माता रहेको चलचित्रको कार्यकारी निर्माता र पटकथा लेखकको रुपमा सबिर श्रेष्ठ छन् ।
यसअघि ‘मंगलम’र ‘मारुनी’मा सहकार्य गरेका पुष्प र साम्राज्ञीको ‘तिम्रो मेरो साथ’ तेस्रो सहकार्य हो ।
