भारतका प्रधानमन्त्री नरेन्द्र मोदी नेतृत्वको सरकारले पाकिस्तानमा रहेका हिन्दू धर्मावलम्बीलाई अन्त्यष्टिपछि गरिने अस्तु सेलाउने कार्यका लागि राहत हुने निर्णय गरेको छ ।

हिन्दू धर्मावलम्बीले भारतको उत्तराखण्डस्थित हरिद्वारको गंगा नदीमा अस्तु सेलाउनुलाई पुण्य कार्य मान्छन्, गंगामा अस्तु सेलाउँदा स्वर्ग गइने विश्वास गरिन्छ तर भारत–पाकिस्तान विवादका कारण पाकिस्तानका हिन्दूहरू हरिद्वार आउन पाउँदैन्थे । मोदी सरकारको नयाँ निर्णयसँगै पाकिस्तानका हिन्दूलाई राहत मिलेको छ ।

मोदी सरकारको निर्णयपछि अब पाकिस्तानी हिन्दूले १० दिनको भिसा पाउनेछन् । हालसम्म पाकिस्तानका हिन्दूले स्थानीय स्तरमै अस्तु सेलाउने गरेका छन् । अब मृतकका परिवारका सदस्य आफैं आएर हरिद्वारमा अस्तु सेलाउने पाउने भारतीय सञ्चारमाध्यमले जनाएका छन् । मोदी सरकारको निर्णयले पाकिस्तानका हिन्दू खुशी भएका छन् ।