मंसिर १४, २०८०
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
पुस २३, २०७९
संगीतकार श्रीकृष्ण बम मल्ललाई लोकदोहोरी गीतमा केही नयाँ प्रयोग गर्न मन थियो । थुप्रै ‘हिट’ आधुनिक गीत दिएका उनी यस्तो लोकदोहोरी गीत बनाउन चाहन्थे, जसलाई हरेक क्षेत्रका स्रोता/दर्शकले रुचाउन्, हरेक उमेर समूहका स्रोता–दर्शकलाई मन परोस् र गीत हाम्रो माटो सुहाउँदो मौलिक होस् साथै पृथक पनि ।
सोही क्रममा गीतकार कृष्ण केसीको शब्दमा मौलिक र फरक सिर्जना ल्याउने तयारीमा लागे उनी ।
गीतको बोल थियो – डाँडाघरे साइँली ।
श्रीकृष्णले आधुनिक गीतका सुप्रसिद्ध गायक स्वरूपराज आचार्यलाई ‘डाँडाघरे साइँली’ गीत गाउन लगाउने सोंच बनाए । किनकि त्यसअघि स्वरूपराजले कुनै लोकदोहोरी गीतमा स्वर दिएका थिएनन् । स्वरूपसँग थुप्रै आधुनिक गीतमा सहकार्य गरेका श्रीकृष्ण भन्छन्, ‘पहिले–पहिले नारायण गोपालले पनि मीठामीठा लोकगीत गाउनुभएको छ । मलाई पनि लाग्यो, लोकगीत स्वरूप दाइको आवाजमा सुन्दा कस्तो होला ? त्यसपछि उहाँलाई प्रस्ताव राखें ।’
गीतको प्रस्ताव राख्दा शुरूआतमा स्वरूपराज हाँसेका थिए । श्रीकृष्णले पछि गीत कम्पोज गरेर डमी पठाए । उनले भने, ‘डमी सुनेपछि शुरूआतमा उहाँ झस्किनुभएको थियो ।’
स्वरूपराजले त्यसबेला भनेका कुरा सुनाउँदै श्रीकृष्णले भने, ‘यो मबाट सम्भव छैन । यो धेरै भित्री सतहको लोकगीत हो । मैले सायद यो गीत गाउन सक्दिनँ होला । गाएँ भने मैले धेरै सिक्नुपर्छ । यदि मैले सकिनँ भने, जसले गाउँछ उसका लागि भाग्यको कुरा हुनेछ ।’
स्वरूपराज एकदिन स्टुडियोमा पुगे । श्रीकृष्णलाई लाग्यो, आज त दाइले गीत रेकर्ड गर्नुहुन्छ ।
तर त्यसदिन स्वरूपराजले गीत रेकर्ड गरेनन् । श्रीकृष्णलाई भने, ‘श्री, आज म गीत रेकर्ड गर्न होइन, अभ्यास गर्न आएको हो ।’
‘उहाँमा कस्तो पोजेटिभ भाइब्स । यो लोक गीत हो, जसरी गाए पनि हुन्छ भनेर भन्ने सोंच पनि उहाँले लिन सक्नुहुन्थ्यो,’ श्रीकृष्ण भन्छन्, ‘तर उहाँले एकदमै मेहनत गरेर गीत गाउनुभएको थियो ।’
उनका अनुसार स्वरूपराजले १ महिनाको तयारीपश्चात ‘डाँडाघरे साइँली’मा स्वर दिएका थिए ।
गीतमा महिला आवाज भने लक्ष्मी मल्लको छ, सांगीतिक क्षेत्रकी चर्चित गायिका उनी श्रीकृष्णकी जीवनसंगीनी हुन् ।
गीतको भिडियोमा पनि श्रीकृष्णले केही ‘प्रयोग’ गरेका छन् । लोकदोहोरीका चर्चित गायक प्रकाश सपूतलाई भिडियोमा नचाउने सोच बनाए उनले । मौसम हिमालीको कोरियोग्राफी र देवेन्द्र बब्लुको निर्देशन रहेको गीतको भिडियोमा चलचित्रकी अभिनेत्री शिल्पा पोखरेलदेखि अर्की मोडल करिष्मा ढकालसम्म प्रस्तुत भए । तामझाम विना सामान्य भिडियो बनाइयो । सामान्य नै सही, डेढ वर्षमै गीतले यूट्युबमा झण्डै ५ करोड भ्युज पाएको छ ।
गीत टिकटकमा त निकै हिट भयो नै, बजारका रेस्टुरेन्ट, यातायातका साधनदेखि गाउँघरमा निकै घन्कियो । श्रीकृष्णले सोचेझै गीतलाई हरेक क्षेत्रका, हरेक उमेर समूहका स्रोता/दर्शकले रुचाए ।
बिस्तारै हिट भएको गीत
अधिकांश गीतहरू सार्वजनिकको शुरूआती दिनमा चर्चामा आउँछन् । गीतहरूले शुरूआती दिनमा राम्रो भ्युज पाए पनि केही समयपछि भ्युजको गतिमा ब्रेक लाग्दै जान्छ तर ‘डाँडाघरे साइँली’ अपवाद बन्यो, जुन गीत बिस्तारै हिट भयो ।
यस गीतको भ्युजको गति शुरूआती दिनमा कम थियो । बिस्तारै गीतका टुक्काहरूमा टिकटक बन्दै गए । गीत सार्वजनिक स्थानमा घन्किन थाल्यो ।
श्रीकृष्ण भन्छन्, ‘गीत जब मासमा पुग्यो, अडियो र भिडियोलाई स्रोता–दर्शकहरूले ध्यान दिएर सुन्ने र हेर्ने गर्नुभयो, त्यसपछि गीतले राम्रो भ्युज पाउँदै गएको थियो ।’ उनका अनुसार १ करोड भ्युज पुग्न ४ महिना लाग्यो, गीतले अर्को १ महिनामा २ करोड भ्युज पार गरेको थियो । अहिले पनि दैनिक १ लाखभन्दा बढी भ्युज पाइरहेको छ गीतले ।
‘डाँडाघरे साइँली’मा स्वर दिएयता स्वरूपराजले अन्य लोकदोहोरी गीत गाइसकेका छन् । गत महिना सार्वजनिक ‘डाँडाघरे साइँली’ टीमको नयाँ लोकगीत ‘निरमाया ठूली’मा पनि स्वरूपराजले स्वर दिएका छन् ।
प्रमोदले पनि श्रीकृष्णकै प्रस्तावमा पहिलोपटक गाए लोकदोहोरी
आधुनिक गायनमा कहलिएका गायक प्रमोद खरेलले पनि श्रीकृष्णकै प्रस्तावमा दोहोरी गीत गाएका छन् । प्रमोदले पहिलोपटक गाएको दोहोरी गीत ‘धरोधर्म विद्यानास’ले स्रोता/दर्शकबाट राम्रो प्रतिक्रिया पाएको थियो ।
थुप्रै आधुनिक गीतमा श्रीकृष्णसँग सहकार्य गरेका प्रमोदले उनकै संगीतमा गीत गाएका हुन् । प्रमोदले लोकदोहोरी गीत गाएपछि उनका प्रशंसकहरू मात्रै नभएर उनी स्वयं पनि निकै खुशी छन् ।
उनले त्यसयता अन्य लोकदोहोरी गीत समेत गाएका छन् । श्रीकृष्णकै संगीतमा उनले अर्को लोकदोहोरी गीत गाइसकेका छन् । शान्तिश्री परियारसँग पनि उनले लोकदोहोरी गीत रेकर्ड गराइसकेका छन् ।
लोकदोहोरीलाई हेर्ने नजर परिवर्तन छ
श्रीकृष्ण बम मल्ल संगीतमा लाग्दै गर्दा विधा छुट्याएर फरक नजरले हेर्ने परिपाटी थियो । त्यसमा पनि लोकदोहोरी भनेपछि अलि हेपाहा प्रवृत्ति देखिन्थ्यो तर पछिल्लो समय लोकदोहोरीलाई हेर्न नजरमा परिवर्तन आएको उनी बताउँछन् । पहिले–पहिले कुनै विवाह पार्टी, पिकनिकहरूमा रमाइलो गर्नका लागि हिन्दी गीतहरूको सहारा लिनुपथ्र्यो तर हिजोआज नेपाली गीत, त्यसमा पनि लोकदोहोरी गीत बढी रोजाइमा पर्ने गरेका छन् । चलेका अन्य विधाका कलाकारहरू पनि लोकदोहोरी गाउन एवं अभिनय गर्न चाहन्छन् ।
‘अहिले लोकदोहोरीलाई हेर्न नजरमा पूरै सकारात्मक परिवर्तन आएको छ । अहिले कलाकारहरूको मन नै समानान्तर जस्तो देख्छु,’ संगीतकार श्रीकृष्ण भन्छन् ।
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् । विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...