नेपाल र छिमेकी मुलुक भारतको खुला सीमाको फाइदा उठाउँदै पछिल्लो समय गाडीका पार्टपुर्जाहरूको अवैध ओसारपसार तथा कारोबारमा वृद्धि भएको भन्दै सिप्रदी अटो ट्रेडर्सले सरकारको ध्यानाकर्षण गराएको छ। 

जसका कारण वैधानिक रूपमा कर तिर्ने व्यवसायीहरू मारमा परेका उसले बताएको छ। 

राज्यलाई प्राप्त हुने राजश्वको ठूलो हिस्सा पनि गुमिरहेको उनले औंल्याएको छ।

विश्वव्यापी महामारी कोभिड-१९ का कारण आक्रान्त व्यवसायीहरू बैंकिङ नीतिमा आएको नीतिगत परिवर्तन तथा चर्को ब्याजले व्यवसाय धान्न मुस्किल भएको अवस्थामा यस किसिमका अवैध कारोबारले व्यवसायीहरू व्यवसायबाट नै पलायन हुने अवस्थामा पुगेको उसको ठहर छ। 

यस समस्याका कारण व्यवसायी मात्र मारमा परेको नभई राष्ट्रलाई नै हानि भइरहेको उसले बताएको छ। 

यस सन्दर्भमा नेपाल अटो मेकानिक्स व्यवसायी महासंघ र बुटवल अटो इन्जिनियरिङ एशोशियशनले संयुक्त रूपमा जिल्ला प्रशासन कार्यालय, रुपन्देहीमा ज्ञापनपत्र बुझाएको छन्।  

व्यवसायी र राज्य दुवै पक्ष मारमा परेको कारण यसलाई साझा समस्याका रूपमा लि​ई यसलाई रोक्न सरोकारवाला निकाय, संघसंस्था, भन्सार विभाग तथा प्रहरी प्रसासनको संयुक्त पहल हुनुपर्ने उसले माग गरेको छ।

अवैध कारोबार निरुत्साहित गर्ने र अवैध कारोबारीहरूलाई कारबाहीको दायरामा ल्याउन पनि उसले माग गरेको छ।