२२ असार २०८३, सोमबार
सुनसरीको इनरुवा अस्पतालका ८ जना मेडिकल अधिकृतले सामूहिक राजीनामा दिएका छन् ।
मेडिकल अधिकृत र बिरामीबीच भएको विवादमा मेसु डा देवराज घिमिरे मौन बसेको भन्दै मेडिकल अधिकृतले अस्पताल व्यवस्थापनलाई सामूहिक राजीनामा बुझाएका हुन् ।
मेडिकल अधिकृतहरू डा महेशकुमार शाह, डा रतिकुमार यादव, डा आशिष देव, डा अभिषेकुमार सिंह, डा श्रेया पंगेनी, डा कृतिका हमाल, डा दीपेन्द्र मेहता र डा वीरेन्द्र मण्डलले सामूहिक राजीनामा दिएका हुन् ।
२६ माघमा ड्युटीमा रहेका मेडिकल अधिकृतलाई धम्क्याउने, आक्रमण गर्ने व्यक्तिलाई छलफल नगराएको मेडिकल अधिकृतहरूले बताएका छन् ।
मेसुले मौन समर्थन गरेको पनि उनीहरूको आरोप छ ।
बिरामीका आफन्तले डाक्टरहरूको खोजी गर्दा सामान्य विवाद मात्रै भएको अस्पतालका मेसु डा घिमिरेले बताए ।
