काठमाडौँ । नेपालको अग्रणी सिमेन्ट उद्योग शिवम् सिमेन्टद्वारा 'शिवमसँग उपहार टन्न' उपहार योजनाको मेगा लक्की ड्र अन्तर्गत भाग्यशाली (उपभोक्तातर्फ ३० जना तथा बिक्रेतातर्फ ३० जना) ६० जना विजेताहरूको नाम लक्की ड्रमार्फत पत्रकार सम्मेलन गरी सार्वजनिक गरिएको छ ।

जसअन्तर्गत उपभोक्तातर्फ ४७ तोला तथा विक्रेतातर्फ ४७ तोला सुन उपहार राखिएको थियो ।  

आज सम्पन्न मेगा लक्की ड्र कार्यक्रममा उपभोक्ता तर्फ प्रथम पुरस्कार बापत २ भाग्यशाली विजेता बाग्मती-पोखरा क्षेत्रबाट र उपत्यका बाहिरबाट ५–५ तोला सुन प्राप्त गरेका छन्।

दोस्रो पुरस्कारअन्तर्गत ४ जनाले ३–३ तोला सुन जितेका छन् । तेस्रो पुरस्कार अन्तर्गत पुरस्कार अन्तर्गत ६ जनालाई २–२ तोला सुन चौथो ८ जनालाई १–१ तोला सुन तथा अन्य १० जनाले आधारआधा तोला सुन जित्न सफल भएका छन् । 

यसअघि भएका मासिक लक्की–ड्रहरूबाट उपभोक्ता तर्फ ६० जना तथा विक्रेता तर्फ ८० जना भाग्यशाली विजेताहरूको छनौट भई सकेको छन् ।

जसअन्तर्गत ४ जोडिले थाईल्याड भ्रमण, ८ जोडिले गोसाईकुण्ड हेली टुर, २० जोडिले माउन्टेन फ्लाईट, २८ जनाले आधा केजी चाँदी, ३२ जनाले हिराको औंठी, १६ जनाले सुनको सिक्रि, १६ जनाले सुनको औंठी र १६ जनाले २ ग्राम सुनको सिक्का जितिसकेका छन् । 

साथै स्योर सट पुरस्कारमार्फत पनि २ लाख २५ हजारभन्दा बढी ग्राहकहरूले सुन, चाँदी तथा नगद उपहारबाट लाभावन्वित भएका छन् ।

शिवम् सिमेन्टले मंसिर १८ गतेदेखि ‘शिवमसँग उपहार टन्न” उपहार योजना सार्वजनिक गरेको थियो।

जस अन्तर्गत प्रत्येक २० बोरा शिवम् सिमेन्टको खरिदमा ग्राहकले एउटा हातखाली नहुने स्क्याच कुपन प्राप्त गरि २०० रुपैयाँदेखि ५०० सम्म नगद वा १५ ग्राम चाँदीको सिक्का वा २.५ ग्रामदेखि ५ ग्रामसम्म सुनको सिक्का वा सुनको सिक्री पक्का उपहार राखिएको थियो भने सोही कुपनको अर्धकट्टीमा नाम, टेलिफोन नम्बर र ठेगाना लेखि मासिक लक्की ड्र तथा मेघा लक्की ड्रमा भाग लिन सक्ने व्यवस्था मिलाइएको थियो। 

यस योजनामा छोटो समयमै ग्राहकको उल्लेख्य संख्यामा सहभागिता रहेको थियो ।

छोटो समयमा उत्साह जनक रुपमा सहभागिता जनाई यस उपहार योजनालाई सफल पार्न सहयोग गरिएकोमा शिवम् सिमेन्ट्स परिवारले सम्पूर्ण उपभोक्ता, ग्राहक र वितरकहरूप्रति आभार प्रटक गरेको छ। 

यो उपहार योजना २०७९ मंसिर १८ देखि नेपालभरि लागू गरिएको थियो ।