लगानी बोर्डले ५ जलविद्युत आयोजना बनाउन डेढ खर्ब रुपैयाँको लगानी स्वीकृत गरेको छ ।

लगानी बोर्डको बिहीवार बसेको बैठकले ५ वटा जलविद्युत् परियोजनाका लागि १ खर्ब ४६ अर्ब २२ करोड वैदेशिक र २१ अर्ब ३७ करोड रुपैयाँ स्वदेशी गरी कूल १ खर्ब ६७ अर्ब ५९ करोड रुपैयाँ बराबर लगानी स्वीकृत गरेको हो ।

बोर्ड बैठकले तल्लो अरुण जलविद्युत् परियोजनाका लागि ९२ अर्ब ६८ करोड रुपैयाँको लगानी स्वीकृत गरेको छ ।

साथै यो कम्पनीको विकासकर्तासँग वार्ता गरी परियोजना विकास सम्झौताको सहमतिको दस्तावेज तयार पारेर बोर्डसमक्ष पेश गर्न लगानी बोर्डका प्रमुख कार्यकारी अधिकृतको संयोजकत्वमा वार्ता समिति गठनममेत गरेको छ। 

बोर्ड बैठकले १०२ मेगावाटको माथिल्लो मर्स्याङ्दी–१ जलविद्युत परियोजनाको लागि ३३ अर्ब १९ करोड रुपैयाँ, ७० मेगावाटको दूधकोशी-२ (जलेश्वर) जलविद्युत परियोजनाको २० अर्ब ३५ करोड रुपैयाँ, ७०.३ मेगावाटको सिम्बुवा खोला जलविद्युत परियोजनाको लागि १३ अर्ब ४४ करोड रुपैयाँ र ४३ मेगावाटको अप्पर मादी  खोला जलविद्युत परियोजनाको लागि ७ अर्ब ९३ करोड रुपैयाँ लगानी स्वीकृत गरेको छ । 

बैठकले बैठकले रासायनिक मल कारखाना स्थापना सम्बन्धमा अध्ययन अनुमतिका लागि पेश गरेको प्रस्ताव अनुसार विकासकर्तासँग सम्पन्न गरिने समझदारीपत्र र डाबर नेपालको पुँजी तथा क्षमता वृद्धि परियोजना कार्यान्वयनका लागि सम्पन्न गरिने समझदारीपत्रको मस्यौदालाई स्वीकृत गरेको छ ।