नक्कली शरणार्थी प्रकरणमा पूर्व गृहमन्त्री रामबहादुर थापा बादलका छोरा प्रतीक थापाविरुद्ध पक्राउ पुर्जी जारी भएको छ ।

प्रतीकलाई पक्राउ गर्न काठमाडौं जिल्ला अदालतले आइतवार अनुमति दिएको उच्च प्रहरी स्रोतले जानकारी दिएको छ ।

प्रहरीका अनुसार पूर्व सांसद आङटावा शेर्पाविरुद्ध पनि पक्राउ पुर्जी जारी भएको छ ।

शेर्पाले नक्कली शरणार्थी गिरोहका नाइके सानु भण्डारीलाई हिरासतमै पुगेर भेटेको सार्वजनिक भएको थियो ।

यस प्रकरणमा मुछिएका कांग्रेस नेताहरूको सन्देशसहित शेर्पाले भण्डारीलाई भेटेको पुष्टि भएको छ ।