लिवियामा तैनाथ नेपाली शान्ति सैनिकहरूको अदलीबदली गरिएको छ ।

संयुक्त राष्ट्रसंघको आह्वानमा लिवियामा शान्ति स्थापनाका लागि खटिएको स्पेशल गार्ड युनिट (शान्ति सेना) को अदलीबदली गरिएको हो ।​

लिवियामा रहेको चौथो डफ्फालाई बदली गर्नको लागि पाँचौं डफ्फाका १ सय १५ जना शान्ति सैनिकहरूको अन्तिम टोली सेनानी रामेश्वर कार्कीको नेतृत्वमा नेपाल एयरलाइन्सको विमानमार्फत मिशन इलाकातर्फ प्रस्थान गरेको नेपाली सेनाले जनाएको छ ।

सेनाका अनुसार प्रमुख सेनानी भाईकाजी थापाको कमाण्डमा खटिएको उक्त युनिटका १ सय १५ जना सकलदर्जाहरू यस अगावै मिशन इलाका पुगिसकेका छन् ।

यस्तै, उक्त मिशनमा तैनाथ स्पेशल गार्ड युनिट (शान्ति सेना) चौथो डफ्फाका १ सय १५ जना शान्ति सैनिकहरू सेनानी अनन्तबहादुर सिंहको नेतृत्वमा आज स्वदेश फिर्ता हुने कार्यक्रम रहेको सेनाले जनाएको छ।