नक्कली भुटानी शरणार्थी प्रकरणः आजदेखि थुनछेक बहस

नेपालीलाई भुटानी शरणार्थी बनाएर अमेरिका पठाउने धन्दामा संलग्नविरुद्ध दायर मुद्दामा आजदेखि थुनछेक बहस सुरु हुने भएको छ । जिल्ला अदालत काठमाडौँमा प्रतिवादीविरुद्धको थुनछेक बहस सुरु हुन लागेको हो । 

न्यायाधीश प्रेमप्रसाद न्यौपानेले पक्राउ परेका सबै १८ जनाको बयान सम्पन्न गरेपछि आजदेखि थुनछेक बहस सुरु हुन लागेको हो । सो थुनछेक बहसपछि आरोपीहरुलाई पुर्पक्षमा पठाउने वा नपठाउने भन्ने बारेमा अदालतको आदेश आउनेछ । 

जिल्ला सरकारी वकिलको कार्यालय काठमाडौंले पक्राउ परेका १८ जना र फरार रहेका समेत गरी ३० जनासँग २७ करोड ५० लाख बिगो माग गरेको छ ।