नेपाल आयल निगमले डिजेलको भाउ एकै पटक १४ रुपैयाँ बढाउने निर्णय गरेको छ । मंगलबार बसेको निगम सञ्चालक समितिको बैठकले आज मध्यरातिदेखि लागू हुनेगरी एकै पटकमा डिजेल तथा मट्टितेलको भाउ १४ रुपैयाँ वृद्धि गर्ने निर्णय गरेको हो । 

यससँगै डिजेल तथा मट्टीतेलको भाउ प्रतिलिटर काठमाडौँमा १६७ रुपैयाँ पुगेको छ।  यही मूल्य पोखरा र दिपायलमा पनि कायम हुने छ । 

यस्तै दाङ र सुर्खेतमा १६६ तथा पूर्वी नेपालमा १६४.५० रुपैयाँ पर्नेछ । 

आज भारतले मूल्य सूची पठाउँदा डिजेलको भाउ प्रतिलिटर ११ रुपैयाँ २५ पैसा बढेर आएको थियो । सोहीअनुसार निगमले पनि स्वचालित मूल्य प्रणालीअनुसार मूल्य बढाएको हो ।