३० असार २०८३, मंगलबार
नेपाल प्रहरीको केन्द्रीय अनुसन्धान ब्यूरो (सीआईबी)ले ललितानिवास प्रकरणमा पूर्व प्रधानमन्त्री माधवकुमार नेपाललाई कागज गराएको छ ।
आइतवार साँझ नेकपा एकीकृत समाजवादीका अध्यक्ष नेपालको निवास कोटेश्वरमै पुगेर कागज गराइएको सीआईबी प्रवक्ता एसएसपी दिनेश आचार्यले लोकान्तरलाई जानकारी दिए ।
तर, समाजवादीका नेताहरूले भने सीआईबीले कागज गराएको कुरा स्वीकार गरेका छैनन् ।
ललितानिवास प्रकरणमा सीआईबीले पूर्वप्रधानमन्त्री एवं नेसपा अध्यक्ष डा. बाबुराम भट्टराईलाई पनि कागज गराएको छ ।
भट्टराई आफैंले सीआईबीलाई जानकारी दिएर कर्तव्य पूरा गरेको बताएका छन् ।
सर्वोच्च अदालतले पूर्वप्रधानमन्त्रीको संलग्नताको अनुसन्धान गर्न आदेश दिएपछि सीआईबीले पूर्व प्रधानमन्त्रीहरूसँग कागज गराएको हो ।
अभियुक्तसँग बयान लिइए पनि घटनासम्बन्धमा जानकारी हुने अन्य व्यक्तिहरूसँग सोधपुछ गरेर कागज गराउने प्रचलन छ ।
बयान वा कागज केही नगर्ने तयारी नगर्ने तयारीको चौतर्फी विरोध भएपछि अन्तत: कागज गराइएको हो ।
आइतवार नै प्रतिवेदन बुझाउने तयारी गरेको सीआईबीले दुई पूर्व प्रधानमन्त्रीलाई कागज गराउनकै लागि एक दिन 'होल्ड' गरेको थियो ।
