फागुन २६, २०८०
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
बुटवल | चैत ३, २०८०
निदाएको बेला सपना जति देखिन्छ त्यति नै धेरै बिर्सिन्छ पनि । निदाउँदा देखिने सपना केवल सपना हो । तर, सपना देखेर हिँड्नेका लागि सपना यात्रा हो, गन्तव्य हो । सचेत मनले देखेको सपनाले मान्छेलाई निदाउन दिँदैन ।
क्रिकेटप्रति अति रूचि राख्ने गुल्मीका विनोद कुँवरले विदेशमा काम गर्दैगर्दा एउटा सपना देखे, ‘आफ्नै देशमा एउटा अन्तर्राष्ट्रिय स्तरको क्रिकेट रंगशाला बनाउने । त्यहीँ रंगशालामा अन्तर्राष्ट्रिय स्तरका क्रिकेट ‘टुर्नामेन्ट’ हुनेछन् । युवा उमेरमै अध्ययनको लागि अष्ट्रेलिया पुगेका विनोदको अथक मेहनतले रंगशाला बनाउने सपना पूरा भएको छ ।
रूपन्देहीको तिलोत्तमा–१७ मा अन्तर्राष्ट्रिय स्तरको क्रिकेट रंगशाला बनाएर विनोदले आफ्नो साकार पारेका छन् । एक्स्ट्राटेक ओभल क्रिकेट मैदान निर्माण भएर प्रतियोगितासमेत भइसक्यो । ९ महिनामै क्रिकेट रंगशाला बनाउनुअघि विनोद धेरै अविश्वास र चुनौतीहरूबाट घेरिएका थिए । तर, कुँवरले चुनौतीलाई अवसरको रूपमा लिए । ‘देशमा एउटा क्रिकेट मैदान बनाउने कार्यलाई ठूलो अवसरको रूपमा लिएँ,’ खुसी साट्दै कुँवरले भने, ‘अब मैदानमा अन्तर्राष्ट्रिय खेल समेत खेलाउन सकिन्छ । पहिलो चरणको काम सकिएको छ । अब दोस्रो चरणका काम अघि बढ्दैछन् ।’
सानैदेखि क्रिकेट खेलका ‘फयान’ विनोदलाई अहिले विश्वभर रहेका नेपालीलाई रंगशालाले चिनाएको छ । राज्यले बनाउन नसकेको रंगशाला निजी क्षेत्रबाट बनाएपछि उनको चौतर्फी प्रशंसा भइरहेको छ । ‘मलाई निदाउन नदिएको एउटा सपना पूरा भएको छ,’ विनोद भन्छन्, ‘अब देशमा क्रिकेट रंगशाला छैन भन्ने अवस्था रहेन । सरकारले र निजी क्षेत्रले हामीले निर्धारण गरेको निश्चित शुल्क तिरेर प्रतियोगिताहरू आयोजना गर्न सक्नेछन् ।’
उच्च शिक्षा अध्ययनका लागि अष्ट्रेलिया पुगेर दाम कमाएका उनले त्यसलाई नेपालमा ल्याएर नाममा रूपान्तरण गरेका हुन् । क्रिकेट खेलप्रति निजी क्षेत्रबाट यति ठूलो लगानी गर्नुले यसप्रति धेरै आशा र सम्भावनाको ढोकासमेत खुलेको छ । रंगशाला निर्माणसँगै राम्ररी सञ्चालन गर्न पनि जरूरी रहेको कुँवर बताउँछन् । रंगशाला निर्माणसँगै रूपन्देही अब आर्थिक मात्र नभई खेलकूदको पनि ‘हब’ बन्ने उनको विश्वास छ ।
जेठ २९ शिलान्यास गरी रंगशाला निर्माण थालिएको थियो । निर्माण सुरू गर्नुअघि विनोदले १० करोड रूपैयाँमा जग्गा खरिद गरेका थिए । ९ महिनामा खेल खेल्न मिल्नेगरी रंगशाला तयार भए पनि अन्य भौतिक पूर्वाधारको काम भने अझै गर्नुपर्नेछ ।
पेभेलियन, चेन्जिङ रूम, क्यान्टिन, टेक्निकलका लागि रूम निर्माण कार्य गर्ने योजनाअन्तर्गत दोस्रो चरणको काम सुरू भएको एक्स्ट्राटेक ओभल प्रालि निर्देशक कुँवरले बताए । पहिलो चरणमा दर्शकका लागि ५ हजार क्षमताको प्याराफिट निर्माण कार्य गरिने छ । प्रत्येक वर्ष ५ हजार दर्शक क्षमताको प्याराफिट निर्माण गर्ने उनको योजना छ । आगामी ३ वर्षभित्र यसको निर्माण कार्य सकाउने लक्ष्य विनोदको छ ।
२५ हजार दर्शक क्षमताको प्यारापिटसहितको रंगशाला पाँच वर्षभित्र तयार भइसक्ने उनले बताए । प्रालिका चिफ अप्रेटिङ अफिसर सुदीक्षा गौतमसँग नवनिर्मित क्रिकेट रंगशालाको स्वामित्व रहेको छ । गौतम विनोदकी पत्नी हुन् । पूर्वराष्ट्रिय खेलाडी शक्ति गौचन एक्स्ट्राटेक ओभल मैदानका ब्रान्ड एम्बासडर बनेर काम गरिरहेका छन् । क्रिकेट रंगशला होस्टल सहितको एकेडेमी र ट्रेनिङ सेन्टर हुनेछ । एक्स्ट्राटेक अस्ट्रेलियाको सिड्नीमा अवस्थित आइटी ट्रेनिङ इन्सिच्यूट हो ।
हाल अष्ट्रेलियामा बस्दै आएका कुँवर रंगशाला उद्घाटन गरी पहिलो प्रतियोगिता सकेर फर्किसकेका छन् । अब रंगशालामा प्याराफिटसहित अन्य संरचना बनाउन अझै ४० करोड बढीको लगानी लाग्ने विनोदको अनुमान छ । कुँवरका अनुसार मैदान निर्माण गर्दा मात्र जग्गाबाहेक ७ करोड खर्च भएको छ । उनले १८ करोड रूपैयाँको लागतमा प्याराफिटको काम यसै सातादेखि सुरू हुनेछ बताए । उनका अनुसार यो रंगशाला ५ वर्षमा पूरा हुनेछ । ‘हामीले यसलाई चरण–चरणमा बनाउँदै लाग्नेछौँ । पहिलो वर्षमा ५ हजार दर्शक अट्ने प्याराफिट बन्नेछ । मैदान तयार भएसँगै प्याराफिटसमेत यही हप्ता शिल्यान्यास हुन्छ र तयार गरिनेछ । यसरी क्रमशः बढाउँदै ५ वर्षमा २५ हजार क्षमतासहितको रंगशाला पूरा गर्ने योजना छ,’ विनोदले भने ।
विनोदले पाँच वर्षअघि नैं रंगशाला बनाउने सोच बनाएका थिए । एक दशक अष्ट्रेलियामा बिताइसकेका उनले अष्ट्रेलियामा ‘एक्स्ट्राटेक ओभल प्रालि’ नामको सूचना प्रविधि (आईटी) सम्बन्धी ट्रेनिङ इन्स्टिच्यूट खोलेका छन् । उनी आफैँ पनि आइटी इन्जिनियर हुन् । उनै इन्जिनियर कुँवर अन्तर्राष्ट्रिय क्रिकेट रंगशाला बनाउने सपना देखेर नेपालमा साकार बनाउन तल्लीन छन् । क्रिकेट रंगशालामा छात्रावाससहितको एकेडेमी र ट्रेनिङ सेन्टर हुने र उक्त एकेडेमी र ट्रेनिङ सेन्टरको सम्पूर्ण जिम्मेवारी गौचनले पाएका छन् ।
एक्स्ट्राटेकसँगै भैरहवामा सिद्धार्थ रंगशाला पनि बनेको छ । कुँवरले अस्ट्रेलियामा स्थापना गरेको ‘एक्स्ट्राटेक ओभल’ ले अष्ट्रेलियामा अध्ययन पूरा गरिसकेका विद्यार्थीहरूको क्षमता अभिवृद्धि गर्नुका साथै उनीहरूलाई योग्यता अनुरूपको काम दिलाउने गर्छ । छोटो समयमै अष्ट्रेलियाकै सिड्नी, मेलबर्न, क्यानबिरा, ब्रिसबेनलगायत विभिन्न ठूला शहरमा उनले ‘एक्स्ट्राटेक ओभल’ को शाखा पनि विस्तार गरिसकेका छन् ।
जसबाट कुँवरले पछि फर्कनुपरेको छैन । अष्ट्रेलियामा प्राप्त गरेको सफलताले मात्र उनलाई पूर्णत खुसी मिलेको छैन । नेपालमै केही गर्ने हुटहुटी छ । ‘विदेश गएपछि नेपालको झन बढी माया लाग्ने रैछ । पैसा कमाइन्छ, त्यो ठूलो कुरा होइन । त्यसपछि मलाई मेरो देशलाई मैले गर्नुपर्ने दायित्व के हो भनेर सम्झिएँ,’ विनोदले थपे, ‘त्यही दायित्वोधको योजना क्रिकेट रंगशाला हो ।’ रंगशालासम्म पुग्ने सहज बाटो छैन । त्यसका लागि राजनीतिक दलहरूले सहज बाटो बनाउने प्रतिवद्धता जनाएका छन् । राजमार्गदेखि रंगशाला ७ किलोमिटर पूर्वतर्फ पर्छ ।
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...